Wan Vison We i Mekem Bilif i Strong

9:1-7

Yu traem tingbaot filing blong Jisas long vison ya, taem Papa blong hem long heven i talemaot se, Hem i glad long hem. I sua se samting ya i mekem Jisas i no fraet blong fesem ol samting we bambae oli mekem hem i safa. Vison ya i mekem Pita, Jemes, mo Jon, oli sua fulwan se Jisas nao i Mesaea, mo i stret nomo we oli lesin long hem. Samwe long 32 yia biaen, Pita i tingbaot yet samting ya we hem i luk mo hemia i mekem bilif blong hem i strong moa long “profet tok” ya.—2Pi 1:16-19.

Nating se yumi no bin luk vison ya, be yumi luk we i kamtru. Naoia, Jisas i stap rul olsem wan King we i gat bigfala paoa. Mo i no longtaem, bambae hem i “winim gud ol enemi blong hem,” blong openem rod blong wan niufala wol we i gat stret fasin.—Re 6:2.

Taem yu luk we ol profet tok blong Baebol oli stap kamtru, ?olsem wanem samting ya i mekem bilif blong yu i kam moa strong?