Gat Tingting Daon Olsem Jisas

Jisas i hae moa long olgeta man long wol, be oltaem hem i leftemap nem blong Jehova nomo, hemia i soemaot se hem i gat bigfala tingting daon. (Jon 7:16-18) Devel Setan i defren, nem blong hem i minim “Man we i giaman blong spolem nem blong narafala.” (Jon 8:44) Yumi luksave fasin blong Setan tru long ol aksen blong ol Farisi. Olgeta ya oli gat flas tingting, mo oli luklukdaon long ol man we oli bilif long Mesaea. (Jon 7:45-49) ?Olsem wanem yumi save folem fasin blong Jisas taem yumi kasem wan wok long kongregesen?

WAJEM VIDEO YA ‘YUFALA I MAS LAVLAVEM YUFALA’—YU NO MAS JALUS MO TOK FLAS, PAT 1, MO ASKEM KWESTIN YA:

• 

  ?Olsem wanem Aleks i soemaot se hem i gat flas tingting?

WAJEM VIDEO YA ‘YUFALA I MAS LAVLAVEM YUFALA’—YU NO MAS JALUS MO TOK FLAS, PAT 2, MO ASKEM OL KWESTIN YA:

• 

  ?Olsem wanem Aleks i soemaot se hem i gat tingting daon?

  ?Olsem wanem Aleks i leftemap tingting blong Bil mo Kal?

WAJEM VIDEO YA ‘YUFALA I MAS LAVLAVEM YUFALA’—YU NO MAS FLAS MO JIKIM NOGUD MAN, PAT 1, MO ASKEM KWESTIN YA:

• 

  ?Wanem i soemaot se Brata Haris i no gat tingting daon?

WAJEM VIDEO YA ‘YUFALA I MAS LAVLAVEM YUFALA’—YU NO MAS FLAS MO JIKIM NOGUD MAN, PAT 2, MO ASKEM OL KWESTIN YA:

• 

  ?Olsem wanem Brata Haris i soemaot se hem i gat tingting daon?

  ?Eksampol blong Brata Haris i tijim wanem long Fei?