Lav i Makemaot Ol Tru Kristin—Gohed Blong Joen Gud Oltaem

?FROM WANEM I IMPOTEN?: Long laswan naet bifo we Jisas i ded, hem i prea se ol disaepol oli mas “joen gud fulwan.” (Jon 17:23, futnot) Yumi mas soemaot lav, blong yumi save joen gud. Man we i gat lav, “i no tingbaot rong we ol narafala oli mekem long hem.”—1Ko 13:5.

?YU MEKEM OLSEM WANEM?:

• Lukluk ol gudfala fasin blong narafala, olsem we Jehova i mekem

• Glad blong fogivim narafala

• Afta we oli stretem wan problem, yu no mas tokbaot bakegen.—Pro 17:9

WAJEM VIDEO YA ‘YUFALA I MAS LAVLAVEM YUFALA’—YU NO MAS STAP KROS LONGTAEM, MO BIAEN YU ANSA LONG OL KWESTIN YA:

• Long fas haf blong video, ?olsem wanem Helen i soemaot se hem i stap ‘tingbaot rong we narafala i mekem long hem’?

• Long seken haf blong video, ?olsem wanem Helen i winim rong tingting we hem i gat mo i soem se hem i gat stret tingting?

• Long las haf, ?olsem wanem Helen i givhan blong mekem kongregesen i joen gud?