?Olsem Wanem Blong Yusum Ol Fastok?

Stat long Jenuware 2018, i gat ol fastok long fas pej blong Kristin Wok Mo Laef—Buk Blong Miting. ?Olsem wanem blong yusum olgeta?

Taem Yu Gat Wan Tok: Yu mas yusum kwestin, vas mo kwestin blong nekis taem we i stap long ol fastok. Be hemia i no min se yu mas talem stret evri toktok we i stap long video blong fastok. Maet yu save jenisim ples we yu prij long hem, ol toktok blong statem storian, ol kwestin mo poen we i mekem man i tingting, mo ol narafala samting olsem. Mo tu yu save givim wan buk we i stap long Ol Tul Blong Tijim Man, nating se buk blong miting i no tokbaot.

Taem Yu Prij: Ol fastok oli blong halpem yumi. Sipos wan man i intres mo i wantem save moa, yu save gohed blong storian mo tokbaot ol haf blong visit. Maet yu save jenisim smol ol fastok ya o tokbaot wan defren samting. ?Olsem wanem? ?Wan topik blong manis we i pas, o wan defren vas i pulum intres blong ol man long teritori blong yu? ?Ol man long teritori blong yu oli intres moa blong tokbaot ol nius we oli harem? Yu save yusum ol fastok long ol defdefren rod. Be mak we yu wantem kasem, hemia blong ‘mekem evri samting from gud nius, blong yu save talemaot long ol narafala man.’—1Ko 9:22, 23.