Jehova i Lukaot Gud Long Ol Man Blong Hem

Faswan Pasova i wan samting we ol man oli no save fogetem. Long naet ya, taem Fero i luk we fasbon blong hem i ded, hem i talem long Moses mo Eron se: “!Yutufala i aot long ples ya! !Yutufala i tekem ol man blong yutufala, yufala i go! !Yufala i mas gowe long ol man blong mi! Yufala i save go mekem wosip long Hae God olsem we yutufala i stap askem.” (Eks 12:31) Yes, Jehova i soemaot se oltaem, hem i lukaot gud long ol man blong hem.

Taem yumi tingbaot ol man blong Jehova long taem blong yumi, i klia nomo se Jehova i stap gohed yet blong lidim mo lukaot gud long ol man blong hem. Wan musium long wol hedkwota, “Ol Man We Oli Karem Nem Blong Jehova,” i soemaot samting ya.

WAJEM VIDEO YA “VISITIM MUSIUM LONG WARWICK: OL MAN WE OLI KAREM NEM BLONG JEHOVA,” BIAEN YU ANSA LONG OL KWESTIN YA:

• 

  ?Stat long 1914, ol Baebol Studen oli yusum wanem nambawan tul blong mekem bilif blong ol man i strong long Baebol? ?Tul ya i wok gud olsem wanem?

• 

  ?Wanem i traem ol Baebol Studen long 1916 mo 1918? ?Wanem samting i pruvum se Jehova i stap lidim oganaesesen?

• 

  ?Olsem wanem ol man blong Jehova oli stanap strong long bilif blong olgeta, nating se ol man oli agensem olgeta?

• 

  ?Ol man blong Jehova oli kasem wanem niufala save long 1935, mo save ya i mekem olgeta oli harem olsem wanem?

• Sipos yu visitim finis musium ya o branj ofis long eria blong yu, ?wanem samting we yu luk we i mekem yu bilif strong, se Jehova i stap lidim mo lukaot gud long ol man blong hem?