Glad Blong Toktok Taem Yu Tij

Taem yumi glad blong toktok, ol man bambae oli lesin moa long yumi. Mo hemia i soemaot tu se yumi tinghevi long mesej we yumi talemaot. Nomata wanem bakgraon o fasin we yumi gat, yumi save wokem fasin ya blong glad blong toktok. (Ro 12:11) ?Olsem wanem blong mekem?

Faswan, tingbaot from wanem mesej we yu talemaot i impoten. Yu gat privilej blong “talemaot gud nius blong ol gudfala samting.” (Ro 10:15) Nambatu, tingbaot olsem wanem gud nius i save halpem laef blong ol man we oli lesin. Oli rili nidim blong harem samting we bambae yu talem. (Ro 10:13, 14) Mo laswan, mekem tok blong yu i laef taem yu muvum han mo bodi blong yu.

WAJEM VIDEO YA, GLAD LONG WOK BLONG MEKEM DISAEPOL—KAM GUD MOA—GLAD BLONG TOKTOK TAEM YU TIJ, BIAEN ANSA LONG OL KWESTIN YA:

• 

  ?Wanem i mekem se Neeta i no moa glad blong toktok taem i stadi wetem Jade?

• 

  ?Wanem i halpem Neeta blong i glad blong toktok bakegen?

• 

  ?From wanem i gud blong tingbaot nomo ol gudfala fasin blong Baebol stadi?

• ?Taem yumi glad blong toktok, olsem wanem samting ya i givhan long ol Baebol stadi mo ol narafala?