Halpem Baebol Stadi Blong i Sakemaot Ol Nogud Fasin

Olgeta nomo we fasin blong olgeta i klin oli save frengud wetem Jehova. (1Pi 1:14-16) Taem ol Baebol studen oli sakemaot ol nogud fasin, maet oli gat wan hapi famle, oli gat gudfala helt, mo oli no spenem mane olbaot.

Eksplenem gud from wanem Jehova i laekem sam fasin be sam narafala fasin nogat, mo from wanem i gud blong folem samting we hem i talem. Halpem studen blong i jenisim tingting blong hem, olsem nao bambae hem i save mekem samting we Jehova i wantem. (Ef 4:22-24) Talem long hem se wetem help blong Jehova, hem i save sakemaot ol nogud fasin. (Fil 4:13) Tijim hem blong i prea strong long Jehova taem tingting blong hem i pulum hem blong mekem sin. Halpem hem blong i luksave samting we i save traem hem, mo hem i stap longwe long samting ya. Enkarejem hem blong mekem ol gudfala wok, blong i no mekem ol nogud fasin. Bambae yumi glad tumas taem yumi luk we Jehova i halpem ol Baebol studen blong oli sakemaot ol nogud fasin blong olgeta.

WAJEM VIDEO YA HALPEM BAEBOL STADI BLONG YU BLONG I SAKEMAOT OL NOGUD FASIN, BIAEN ANSA LONG OL KWESTIN YA:

• 

  ?Wanem i soemaot se ol elda mo Neeta oli trastem Jade?

• 

  ?Neeta i mekem wanem moa blong halpem Jade?

• 

  ?Jade i mekem wanem blong Jehova i givhan long hem?