Halpem Baebol Stadi Blong i Fren Gud Wetem Jehova

Jehova i wantem se yumi wosipim hem from yumi lavem hem. (Mt 22:37, 38) Lav we studen i gat long God, bambae i halpem hem blong i mekem ol bigfala jenis long laef, mo i stanap strong taem i fesem trabol. (1Jo 5:3) Lav we hem i gat long God, bambae i pulum hem blong i baptaes.

Halpem studen blong i luksave se God i lavem hem. Yu save askem ol kwestin olsem long hem: “?Folem haf ya, yu lanem wanem long saed blong Jehova?” “?Olsem wanem save ya i soemaot se Jehova i lavem yu?” Halpem hem blong i luksave olsem wanem Jehova i stap givhan long hem. (2Kr 16:9) Tokbaot olsem wanem Jehova i ansarem sam prea blong yu, mo enkarejem hem blong i traem luksave olsem wanem Jehova i ansarem sam prea blong hem. Bambae yumi glad tumas taem yumi luk we ol Baebol studen oli luksave se Jehova i lavem olgeta mo oli wantem kam fren blong hem.

WAJEM VIDEO YA HALPEM BAEBOL STADI BLONG YU BLONG I FREN GUD WETEM JEHOVA, BIAEN ANSA LONG OL KWESTIN YA:

• 

  ?Wanem i traem Jade?

• 

  ?Olsem wanem Neeta i halpem Jade?

• 

  ?Olsem wanem Jade winim traem ya?