Tijim Baebol Studen Blong i Stadi Hem Wan

Blong ol Baebol studen oli save Jehova mo kam bigman long spirit, oli mas lanem plante moa samting i bitim ol trutok we yumi tijim olgeta long hem. (Mt 5:3; Hib 5:12–6:2) Oli mas lanem olsem wanem blong kasem kakae blong spirit olgeta wan.

Taem yu stat blong stadi wetem ol Baebol studen, soem olsem wanem oli save rerem stadi blong olgeta, mo enkarejem olgeta blong mekem olsem. (mwb18.03 6) Enkarejem olgeta blong oli prea bifo we oli mekem prapa stadi blong olgeta. Halpem olgeta blong kasem ol tul blong stadi mo soem olsem wanem blong oli yusum. Eksplenem olsem wanem oli save faenem ol niu samting long jw.org mo JW Brodkasting^®. Sloslo tijim olgeta blong ridim Baebol evri dei, rerem ol miting mo mekem risej blong faenem ol ansa blong ol kwestin we oli gat. Halpem olgeta blong tingting dip long ol samting we oli stap lanem.

WAJEM VIDEO YA HALPEM BAEBOL STADI BLONG YU BLONG I STADI HEM WAN, BIAEN ANSA LONG OL KWESTIN YA:

• 

  ?Olsem wanem Neeta i halpem Jade blong luksave se stadi i no blong kasem ol ansa nomo, be hem i mas mekem sam samting?

• 

  ?Wanem i halpem Jade blong bilif se Jehova i gat raet blong putum ol loa long saed seks?

• 

  ?Jade i kasemsave wanem long saed blong tingting dip?