Trastem Jehova Taem Yu Gat Problem Blong Mane

Laef long ol las dei ya i fulap long ol trabol. Taem yumi stap kam klosap moa long en blong sistem blong wol ya, bambae yumi fesem moa hadtaem. Maet samtaem bambae yumi sot long sam samting. (Hab 3:16-18) ?Wanem bambae i halpem yumi blong stanap strong taem yumi fesem problem blong mane? Yumi mas gohed blong trastem God blong yumi, Jehova. Hem i bin promes blong lukaot gud long ol man blong hem, mo bambae hem i givim samting we yumi nidim taem yumi fesem hadtaem.—Sam 37:18, 19; Hib 13:5, 6.

Samting we yu save mekem:

• Askem Jehova blong i lidim yu, i givim waes, mo i sapotem yu.—Sam 62:8

• Rere blong akseptem eni wok we maet yu neva mekem bifo.—g 1/10 8-9, bokis

• Gat wan gudfala program long saed blong spirit, olsem ridim Baebol evri dei, go long olgeta Kristin miting, mo joen long wok blong prij

WAJEM VIDEO YA WOKEM WAN HAOS WE I SAVE STANAP STRONG—“HAREM GUD LONG SAMTING WE YU GAT,” BIAEN ANSA LONG OL KWESTIN YA:

• ?Wanem ol hadtaem we sam famle oli fesem?

• ?Wanem nao i moa impoten long laef?

• ?Olsem wanem yumi save halpem olgeta we oli fesem hadtaem long saed blong mane?