?Yu Yu Stap Yusum Gud Ol Baebol Rikoding?

?Wanem ya Baebol rikoding? Hemia wan odio rikoding blong Baebol ya Niu Wol Translesen. Hem i stap kamaot sloslo long plante lanwis. Wan gudfala samting long saed blong Baebol rikoding, hemia se oli rikodem ol defdefren man blong mekem ol defdefren voes long Baebol. Blong mekem mesej blong Baebol i kamaot klia, oli ridim long wan fasin we i mekem se yumi kasem save filing blong ol man mo oli makem gud ol impoten poen.

?Olsem wanem Baebol rikoding i givhan long samfala? Plante we oli lesin long Baebol rikoding, oli laekem from i mekem Tok blong God i kam laef. Taem oli harem ol defdefren voes long ol man blong Baebol, hemia i mekem se oli save pijarem ol taem mo oli gat wan klia tingting long samting we Baebol i talem. (Pro 4:5) Plante oli faenem se taem oli lesin long ol Baebol rikoding, hemia i givhan long olgeta blong gat pis long tingting.—Sam 94:19.

Taem yumi harem Tok blong God we oli ridim long bigfala voes, hemia i save gat bigfala paoa long laef blong yumi. (2Kr 34:19-21) Sipos Baebol rikoding i stap long sam haf o fulwan long wan lanwis we yu kasemsave, ?bambae yu save mekem i kam haf blong program blong yu?

WAJEM VIDEO YA WOK BLONG RIKODEM ODIO BLONG BAEBOL—WAN SMOL HAF, BIAEN ANSA LONG KWESTIN YA:

?Yu laekem wanem long wok we oli mekem blong rikodem odio blong Baebol?