Yusum Fas Pej Blong JW.ORG Long Wok Blong Prij

Long fas pej blong websaet blong yumi, i gat ol atikol mo ol video we i save pulum ol man we hat blong olgeta i stret i kam long trutok. (Wok 13:48) Mo plante taem, oli tokbaot ol nius o ol tingting mo ol samting we ol man oli stap tokbaot.

?Olsem wanem blong yusum fas pej blong jw.org long wok blong prij?

• Jekem websaet oltaem. Yu save lukluk haf ya “Sam Moa Samting,” mo tingbaot olsem wanem yu save yusum ol haf ya blong halpem wan man we i intres. (Blong faenem sam narafala samting we i bin kamaot long fas pej, klik long haf ya “Yu Luk Sam Moa.”) Sipos oltaem yu jekem websaet blong yumi, hemia bambae i halpem yu blong gat ol niufala topik blong yusum long wok blong prij.

• Yusum ol atikol mo video long fas pej blong statem storian. Ol samting ya oli save givhan long yumi blong save samting we ol man long teritori oli stap tingbaot.

• Soem fas pej long ol man. Tokbaot sam topik, mo soem olsem wanem man i save faenem ol infomesen long websaet.

• Sanem wan link. Sam man oli no wantem toktok long yumi be oli glad blong visitim websaet blong yumi. So yumi no mas fraet blong sanem link blong fas pej o blong wan atikol o video long wan we i intres.