Advaes Blong Stadi

?Yu yu laekem blong ridim ol laef stori blong ol brata mo sista blong yumi?

Wan kapol we evri moning oli stap ridim laef stori i talem se: “!Taem mitufala i ridim ol stori ya, oli mekem mitufala i glad mo oli enkarejem mitufala! Oli rimaenem mitufala se yumi tu yumi save holemstrong long Jehova nomata wanem trabol yumi fesem.” Wan sista we i gat sem filing olsem i talem se: “Ol laef stori ya oli leftemap tingting, i tajem hat, mo i mekem man i harem gud. Laef blong ol brata mo sista ya i gat mining. Stori blong olgeta i pulum mi blong mi mekem moa long wok blong prij mo i halpem mi blong enkarejem ol pikinini blong mi blong oli mekem wok blong Jehova fultaem.”

Ol laef stori oli save pulum yu blong mekem moa long wok blong Jehova, winim ol slak fasin, mo stanap strong long ol strong traem, we yu glad mo tingting blong yu i kwaet. ?Olsem wanem blong faenem ol stori ya?

• Yu go long ol haf we oli kamaot oltaem “Laef Stori Blong Ol Witnes Blong Jehova” long jw.org o long JW Library®.

• Lukaot “Laef Stori Blong Ol Witnes Blong Jehova” long Wajtaoa LAEBRI LONG INTENET^™.