Advaes Blong Stadi

Faenemaot Ol Gudfala Fasin Blong Jehova

Taem yumi ridim Baebol, yumi save yusum ol tul blong mekem risej blong kasemsave moa long samting we yumi ridim. Mak blong yumi i no blong kasem ol save nomo, be yumi wantem faenemaot ol gudfala fasin blong Jehova blong yumi lavem hem moa. Blong mekem olsem i gud yumi askem se, ‘?ol vas ya oli tijim wanem samting long saed blong Jehova?’

Yumi save faenemaot ol pruf, olsem wanem Jehova i soemaot lav, waes, stret fasin mo paoa. Be Jehova i no gat ol fasin ya nomo, hem i gat plante narafala gudfala fasin tu. ?Weples yumi save lanem moa long ol fasin blong hem?

Yu save luk long buk ya, Buk Blong Mekem Risej aninit long topik ya “Jehova God,” long smol stamba tok ya “Fasin Blong Jehova.” Biaen, yu save tingbaot ol fasin blong Jehova we yu luk long Baebol riding blong yu.