Advaes Blong Stadi

Lanem Baehat “Ol Singsing” Blong Yumi

“Taem tingting blong mi i foldaon, Jehova i leftemap tingting blong mi tru long ol singsing long JW Brodkasting^®.”—Lorraine, U.S.A.

Longtaem finis i kam “ol singsing” oli haf blong wosip blong yumi. (Kol. 3:16) Sipos yu lanem ol singsing ya baehat, bambae i save givhan long yu nating se yu no gat wan singbuk o wan elektronik divaes. Traem folem ol poen ya, we bambae oli halpem yu blong lanem baehat sam long ol singsing ya.

Ridimgud ol toktok blong kasemsave mining blong hem. Taem yu kasemsave mining blong wan samting, bambae i moa isi blong yu tingbaot. Ol toktok blong ol singsing blong yumi, inkludum ol original singsing mo singsing blong ol pikinini, oli stap long jw.org. Aninit long haf ya Laebri, yu go long Miusik.
Yu raetemdaon ol toktok blong wan singsing. Hemia bambae i mekem se yu tingbaot moa.—Dut. 17:18.
Praktis long bigfala voes. Ridim o singsing long singsing ya bakegen mo bakegen.
Testem memori blong yu. Traem tingbaot ol toktok blong singsing ya we yu no lukluk ol toktok blong hem, mo biaen jekem sipos i stret.