Lanem Samting Long Ol Pija

Ol buk blong yumi oli fulap wetem ol pija we oli save tijim yumi long sam impoten poen. ?Yu save mekem wanem blong lanem samting long ol pija?

• I gud yu lukluk ol pija bifo we yu ridim wan atikol. Ol pija oli save pulum ae blong yu, nao bambae yu wantem ridim atikol ya blong save moa. Hemia i sem mak long wan kakae. Taem yumi luk wan naesfala kakae, yumi wantem tumas blong kakae. Taswe, i gud yu askem yu wan se: ‘?Mi mi luk wanem?’—Amos 7:​7, 8.

• Taem yu stap ridim atikol ya, traem tingbaot from wanem oli jusum blong putum ol pija ya. Mo i gud blong ridim tu ol smol toktok aninit long ol pija o ol toktok we i eksplenem ol pija ya. Mo tu, traem tingbaot olsem wanem ol pija ya oli joen wetem atikol ya, mo olsem wanem yu save folem ol lesen we yu lanem long ol pija ya long laef blong yu.

• Afta we yu ridim atikol ya, i gud yu lukluk ol pija ya bakegen blong tingtingbak long ol men poen we yu lanem long atikol ya. Biaen yu sarem ae blong yu, mo yu traem tingbaot ol pija ya mo ol lesen we yu lanem from.

• I gud yu lukluk bakegen ol pija long magasin ya, mo luk sipos yu tingbaot yet ol samting we yu lanem long ol pija ya.