?I Stret Blong Man i Mared Long Plante Woman?

Ansa we Baebol i givim

I gat wan taem, we God i letem ol man blong oli gat moa long wan waef. (Jenesis 4:19; 16:1-4; 29:18-29) Be God i no statem fasin ya we man i mared long plante woman. Hem i givim wan waef nomo long Adam.

God i talem long Jisas Kraes blong i stanemap bakegen tingting blong Hem long saed blong mared, hemia se man i mas gat wan woman nomo. (Jon 8:28) Taem ol man oli askem Jisas long saed blong mared, hem i talem se: “Long stat, God i mekem tu man nomo, wan i man mo narawan i woman. Mo hem i talem se: ‘From samting ya, man bambae i aot long papa mo mama blong hem, i go joen wetem waef blong hem, mo bambae tufala i kam wan bodi nomo.’”—Matiu 19:4, 5.

Tabu spirit blong God i pulum wan aposol blong Jisas blong raetem se: “I gud ol man wanwan oli gat prapa waef blong olgeta, mo ol woman wanwan oli gat prapa hasban blong olgeta.” (1 Korin 7:2) Mo tu, Baebol i talem se wan Kristin we i gat wok insaed long kongregesen, “hem i mas gat wan waef nomo.”—1 Timoti 3:2, 12.