Mekem Wok Blong Prij​—⁠‘Go Kasem Ol Laswan Ples Blong Wol’

?Hu bambae i wantem wajem bakegen mo bakegen, video kaset ya To the Ends of the Earth (‘Go Kasem Ol Laswan Ples Blong Wol’)? Olgeta we oli stap traehad blong kasem mak we oli kam misinari. ?Bambae oli wantem wajem from wanem? Blong oli save lanem plante samting long saed blong Wajtaoa Baebol Skul blong Gilead. Video kaset ya i makem 50 yia blong nambawan skul ya we i stanap blong mekem wok blong prij i go kasem “olgeta man blong evri kantri.” (Sam 22⁠:27) Kaset ya bambae i givhan long yumi blong tinghevi long impoten ya wok blong talemaot gud nius, mo bambae i pusum yumi blong mekem moa wok. Tingbaot: (1) ?Jes afta long yia 1940, wanem i kam wan bigfala samting we ogenaesesen blong Jeova i tingbaot? (Wok 1⁠:⁠8) (2) ?Long 1942, wanem bigfala profet tok blong Baebol i stap kamtru, mo olsem wanem tingting blong ol Witnes i defren long ol man blong wol? (Rev. 17⁠:8; w89 4/15 pej 14 haf 12) (3) ?Wanem plan i stanap blong yusumgud taem blong pis afta long Seken Wolwo? (jv pej 522 haf 1 mo 2) (4) ?Wanem sam fasin we yu yu laekem tumas long ol studen blong faswan klas blong Gilead? (5) ?Long ol 50 yia afta we Skul blong Gilead i stanap, hamas studen oli kasem stefeket, mo olgeta oli go long hamas kantri? (6) ?Tijing we ol studen oli kasem long saed blong Baebol i bigwan olsem wanem? (7) ?I nidim wanem blong kam wan gudfala misinari mo tija blong Tok blong God? (8) ?Laef blong wan misinari i olsem wanem, mo wanem sam traem we olgeta oli stap kasem? (9) ?Ol misinari oli tingting olsem wanem long saed blong fasin blong laef blong olgeta, mo wanem sam gudfala blesing we i kamaot from we oli rere blong livim plante samting blong mekem wok ya? (10) ?Kam kasem naoia, wanem ol bigfala wok we plante taosen misinari oli bin mekem? Talem sam eksampol. (11) ?Wanem tingting blong yu long ol brata sista we oli bin go long “ol laswan ples blong wol” blong mekem wok blong prij? (12) ?Eksampol blong ol misinari i leftemap tingting blong yu blong mekem wanem, mo from wanem?