?Wajtaoa Long Inglis We i Isi Blong Ridim, i Save Givhan Long Yu?

Naoia i gat wan Wajtaoa we oli raetem long Inglis we i isi blong ridim (Simplified English). Insaed long Wajtaoa ya, i gat ol haf we yumi stadi long hem long Wajtaoa Stadi. Wajtaoa ya i blong (1) ol pablisa we oli toktok Inglis. Ol toktok ya long Inglis we i isi blong ridim, bambae i givhan long ol pablisa we maet oli no skul gud; (2) ol pablisa we Inglis i no prapa lanwis blong olgeta; (3) ol yangfala, wetem olgeta we oli stap long praemeri skul mo sekendri skul, mo (4) ol Baebol studen we oli kasem save moa long saed blong Baebol taem ol toktok i go stret mo i isi blong ridim.

Ol namba blong paragraf, ol kwestin, mo ol stamba tok oli laenap wetem narafala Wajtaoa we i stap kamaot oltaem (Standard English). Ol save long niufala Wajtaoa ya, i sem mak long narawan, be ol toktok blong hem i moa isi blong ridim. Long taem blong Wajtaoa Stadi, brata we i lidim stadi wetem brata we i rid, tufala i mas yusum Wajtaoa we oli raetem long Standard English. Tufala i save yusum niufala Wajtaoa ya nomo sipos bighaf blong ol man we oli stap long miting oli yusum. Olgeta we oli yusum Wajtaoa we Inglis blong hem i isi blong ridim, bambae oli luk ol sem vas mo ol sem pija long Wajtaoa blong olgeta, mo oli save folem ol haf mo givim ansa.

Olgeta we oli ting se niufala Wajtaoa ya i save givhan long olgeta, oli save putum oda blong olgeta long brata we i lukaot long ol magasin.