“!Mi Ya, Mi Save Go! !Yu Sanem Mi!”

Aesea i soemaot wan nambawan eksampol we yumi save folem. Hem i soemaot bilif. Taswe, wantaem nomo, hem i rere blong go long wan ples we hem i no save, blong givhan long ol man. (Aes 6:8) ?Olsem wanem long yu? ?Yu save jenisim sam samting long laef blong yu, blong go long ples we i nidim moa man blong talemaot Kingdom? (Sam 110:3) I tru, yumi mas “wokemaot praes” fastaem. (Lu 14:27, 28) Be, i gud yumi rere blong lego sam samting we yumi nomo i wantem, blong mekem wok blong prij. (Mt 8:20; Mk 10:28-30) Video ya, Muv i Go Long Ples We i Nidim Moa Man Blong Prij, i soemaot ol blesing we yumi save kasem. Ol blesing ya oli bigwan moa i bitim samting we yumi lego.

YUFALA I WAJEM VIDEO, NAO YUFALA I ANSA LONG OL KWESTIN YA:

• ?Famle Williams i lego wanem samting blong go long Ekwado?

• Taem oli jusum ples we bambae oli go long hem, ?oli tingbaot wanem?

• ?Wanem ol blesing we oli kasem?

• ?Weples yu save faenem moa save, sipos yu wantem muv i go long ples we i nidim moa man blong prij?

LONG NEKIS FAMLE WOSIP, YUFALA I SAVE TOKBAOT OL KWESTIN YA:

• ?Olsem wanem mifala i save mekem moa long wok blong prij, olsem wan famle? (km 8/11 pej 4-6)

• Sipos mifala i no save go long ples we i nidim moa man blong prij, ?mifala i save givhan olsem wanem long kongregesen blong mifala? (w16.03 pej 3-5)