MEKEM DISAEPOL
LESEN 10
Gat Strong Tingting Blong Halpem Man
Stamba Trutok: “Mifala i glad blong talemaot gud nius blong God long yufala mo blong givim laef blong mifala, blong givhan long yufala. Mifala i mekem olsem from we yufala i kam ol fren we mifala i lavem tumas.”—1 Tes. 2:8.
?Jisas i Mekem Wanem?
1. Wajem VIDEO, o ridim Jon 3:1, 2. Biaen askem ol kwestin ya:
?From wanem Nikodimas i go luk Jisas long naet?—Yu luk Jon 12:42, 43.
?Olsem wanem Jisas i soemaot se hem i gat strong tingting blong pulum Nikodimas i kam disaepol?
?Yumi Lanem Wanem Long Eksampol Blong Jisas?
2. Yumi soemaot se yumi lavem ol man, taem yumi gat strong tingting blong halpem olgeta blong oli kam disaepol.
Folem Eksampol Blong Jisas
3. Stadi long taem mo ples we i stret long man. Maet hem i laekem moa blong stadi long wan stret dei long wik o long wan stret taem. ?Olsem wanem? ?Hem i glad moa blong stadi long ples blong wok, long haos, o long wan pablik ples? Sipos i olsem, jenisim program blong yu, blong yu save stadi wetem hem long taem mo ples we i stret long hem.
4. Stadi oltaem. Sipos i hapen se yu no save mekem stadi, i nogud yu kanselem. Be i gud yu tingbaot se:
?Yu save mekem stadi long wan narafala taem long wik ya?
?Yu save mekem stadi tru long telefon o long ol videokonfrens?
?Yu save askem wan narafala pablisa blong i mekem stadi?
5. Prea blong gat stret tingting. Askem Jehova blong i halpem yu blong yu gohed blong gat strong tingting blong halpem studen blong yu, nating sipos hem i no stadi oltaem o i slo blong folem wanem we hem i lanem. (Fil. 2:13) I sua se studen blong yu i gat plante gudfala fasin, taswe askem Jehova blong i halpem yu blong tingbaot ol gudfala fasin ya blong hem.