Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Februari 23, 2009. Brata we i lukaot long skul bambae i mekem haf ya blong 20 minit. Bambae yumi lukluk bakegen long ol samting we yumi bin tokbaot, stat long Jenuware 5 kasem Februari 23, 2009.
1. ?Sipos God i mekem san, mun, mo ol sta long namba fo dei, olsem wanem Hem i save mekem delaet i kamtru long faswan dei? (Jen. 1:3, 16) [w04 1/1 pej 28 haf 5]
2. ?From wanem Jeova i no talem long Noa blong i mekem ol samting long wol ya oli stap aninit long han blong hem, olsem we Hem i bin talem long Adam? (Jen. 9:1) [it-2-E pej 1095 haf 6; it-1-F pej 788 haf 6]
3. ?Kontrak ya we Jeova i mekem wetem Ebraham i stat wetaem, mo kontrak ya i stap kasem wetaem? (Jen. 12:1-4) [w04 1/15 pej 26 haf 4; w01 8/15 pej 17 haf 13]
4. ?Wanem i pruvum se Nimrod mo ol narafala we oli bin folem hem, oli no ‘mekem nem blong olgeta i go antap’? (Jen. 11:4) [w98 3/15 pej 25]
5. ?Long 2 Pita 2:7, Baebol i talem se Lot i wan man we “fasin blong hem i stret.” Be ?from wanem Lot i wantem givim tufala gel blong hem long ol rabis man blong Sodom? (Jen. 19:8) [w05 2/1 pej 26 haf 15-16; w04 1/15 pej 27 haf 3]
6. Ol hasban we oli folem loa blong God oli mas lukaotgud long famle blong olgeta, ale, ?from wanem Ebraham i sanem Hega mo Ismael i go long draeples? (Jen. 21:10-21; 1 Tim. 5:8) [w88 2/15 pej 31, Franis mo Inglis]
7. ?Yumi lanem wanem long stori blong Eliesa we i traehad blong mekem samting olsem we Jeova i wantem, blong faenem wan waef blong Aesak? (Jen. 24:14, 15, 17-19, 26, 27) [w97 1/1 pej 31 haf 2]
8. ?Wanem mining blong drim ya we Jekob i luk long saed blong ‘ol enjel we oli stap kamdaon mo oli stap go antap long wan lada’? (Jen. 28:10-13) [w03 10/15 pej 29 haf 1; it-2-E pej 189; it-1-F pej 683]
9. ?From wanem Rejel i wantem tumas blong kasem ol frut blong mandrek we boe blong Lea i karem? (Jen. 30:14, 15) [w04 1/15 pej 28 haf 7]
10. ?Taem yumi mas stretem wan rao, from wanem eksampol blong Jekob i wan gudfala eksampol blong folem? (Jen. 33:3, 4) [g82 2/22 pej 19 haf 8-10, Franis mo Inglis]