Ol Fastok

Blong Statem Ol Baebol Stadi Long Fas Sarede Blong Manis Maj

“?Yu ting se i gat wan grup blong man we God i stap lidim olgeta tede no yu ting se God i stap lidim nomo ol man wanwan? [Yu letem man i ansa.] Magasin ya i tokbaot wan grup blong man we God i lidim olgeta plante yia bifo.” Yu soem pej 30 long Wajtaoa blong Maj 1. Nao yu tokbaot ol save we i stap aninit long fas smol stamba tok, mo yu ridim wan no tu vas we i stap long haf ya. Yu givim magasin long hem, mo yu mekem plan blong kambak bakegen blong tokbaot kwestin we i kam biaen.

Wajtaoa Maj 1

“Long ol yia we i pas, i gat plante toktok long saed blong Amagedon. ?Yu ting se ol man oli save mekem wan samting blong blokem Amagedon? [Yu letem man i ansa.] Hemia nao vas we tok ya ‘Amagedon’ i kamaot long hem. [Yu ridim Revelesen 16:16. Biaen yu soem fored blong magasin.] Magasin ya i talem ansa we Baebol i givim long ol kwestin ya.”

Wekap! Jenuware-Maj

“Plante man long ples blong yumi oli tinghae long King James Version, hemia wan Baebol we oli tanem long Inglis. ?Olsem wanem? ?Yu tu yu laekem? [Yu letem man i ansa.] Hem i givhan long plante milian man blong oli ridim Baebol long Inglis. Wekap! ya i tokbaot histri blong nambawan Baebol ya. [Yu ridim mo tokbaot 2 Timoti 3:16.]”