ABỌ 6

De Emwi Ne Ima Miẹn Ruẹ Vbe Okpamẹ Nọ Dae Vbe Ẹghẹ E Noa?

Osanobua keghi fuẹn emwa dan rua sokpan ọ na miẹn e Noa vbe ẹgbẹe ọre fan. Gẹnẹsis 7:11, 12, 23

Okọ gha khian vbe uhunmwu amẹ, amẹ ro gue emwa dan, avbe odibo ni sọtẹ nii werriegbe khian emwa orhiọn, iran na kpa hin uhunmwu otagbọn na rre

Ke asọn ke avan ẹre amẹ nii ya rhọọ vbe ọwara ikpẹdẹ 40. Amẹ na ro gba ehe hia vbe uhunmwu otagbọn hia. Emwa dan hia keghi wulo.

Avbe odibo ni sọtẹ nii keghi werriegbe khian emwa orhiọn, iran na kpa hin uhunmwu otagbọn na rre; iran na ghi khian ugbogiorinmwi.

E Noa, ẹgbẹe ọre, kevbe avbe aranmwẹ ladian vbuwe okọ, ikpin na rhiegbe ma vbe orere iso

Emwa ni ghaa rre uwu okọ keghi miẹn fan. Agharhemiẹn wẹẹ e Noa vbe ẹgbẹe ọre i ghi rre agbọn nia, Osanobua gha huẹn iran kpaegbe, ẹkpotọ ghi kie ne iran ya gha rrọọ vbe etẹbitẹ.

Osanobua gha werriegbe guọghọ emwa dan, ọ ghi miẹn emwa esi fan. Matiu 24:37-39

E Setan kevbe avbe ugborinmwi ọghẹe gha loo obẹlẹ ughughan ya mu emwa rẹrẹ

Te Setan kevbe avbe ugbogiorinmwi ye mu emwa rẹrẹ vbe ẹdẹnẹrẹ.

Emwa nibun i lele adia ọghe Jehova vbe ẹdẹnẹrẹ, vbene ọ vbe gha ye vbe ẹghẹ e Noa. Vbe nẹi khian ghi kpẹẹ gbe, e Jehova gha guọghọ emwa dan hia.—2 Pita 2:5, 6.

Avbe Osẹe Jehova gha loo e Baibol ya kporhu ma okpia ọkpa; okpia ọkpa gha tie Baibol

Emwa eso rrọọ vbe ẹdẹnẹrẹ ni yevbe Noa. Iran wa danmwehọ Osanobua, iran vbe lele adia ọghẹe; iran na ọre Avbe Osẹe Jehova.