Emwamwa Ọghe Uzọla Nọ Suẹnrẹn Vbe November 16

Ihuan 17 Kevbe Erhunmwu

Iruẹmwi E Baibol Ọghe Iko:

ia ipapa 2 okhuẹn 13-23, ogbewerriẹ nọ rre ipapa 24 (Ifuanro 30)

Owebe Ukhamwosa:

E Baibol na tie: 1 Krọnikol 26-29 (Ifuanro 8)

No. 1: 1 Krọnikol 29:20-30 (Ifuanro 3 ra ẹi khian sẹ vberriọ)

No. 2: De Emwi Na Ya ‘Izọese Ọghe Irinmwian’ (Atonement) Kha?—Glossary, nwt ipapa 1694 (Ifuanro 5)

No. 3: Elizabeth—Uhunmwuta: Gha Re Ọmwa Nọ Mwẹ Imuohan Ọghe Osanobua Kevbe Ọmwa Nẹi Mwẹ Abe—it-1 ipapa 719 (Ifuanro 5)

Iko Ọghe Ugamwẹ:

Uhunmwuta Ọghe Uki Na: “Mẹ kọ emwiokọ, Apolọs keghi gbe amẹ khakhae, sokpan Osanobua ọre ọ ru ẹre ne ọ na zọọ.”—1 Kọr. 3:6.

Ihuan 35

Ifuanro 10: Ye Gha ‘Sa Amẹ Khakha’ Emwa Ni Mwẹ Ẹkorhiẹnrhiẹnmwẹ Daa Ne Ẹmwata. (1 Kọr. 3:6-8) Nọ arọndẹ ọghe ẹghẹ hia kevbe nọ ya iyẹn wewe ọta. De emwamwa ne iran ru ne iran ya sẹtin gha ru atuẹwerriegbe? De vbene iran ya muegbe yotọ hẹ? De vbene iran ya guẹ loo hẹ ighẹ isievẹn ọghe na sẹtin werriegbe miẹn ọmwa nii vbe owa? De emwi ẹwaẹn nọ maan ne iran he miẹn?

Ifuanro 20: “Evba Kpee Re Na Ye Ehọ Viọ—Vbene A Ya Loo Ẹre Hẹ.” Inọta kevbe ewanniẹ. Rhan otọre vbene etẹn gha ya miẹn evba kpee re na ye ehọ viọ ni rre jw.org hẹ. Kpee ọkpa vbọ ne u ya ru igiemwi ma etẹn ni gbẹbu. Ru orhiema ọghe emwi ẹwaẹn na gbẹnnẹ ye ufomwẹ ọghe ne uhunmwuta “Use Our Web Site in the Ministry—‘Bible Questions Answered’” nọ ladian vbe Our Kingdom Ministry ọghe November 2014.

Ihuan 108 Kevbe Erhunmwu