EMWI EWE NI RRE UWU ẸMWẸ ỌGHE OSANOBUA | AIZAIA 52-57
Kristi Keghi Rrioya Ne Ima
“Ma zaan rẹn, a keghi vbe hẹe yotọ . . . Ẹghẹ na hia, ma kegha roro wẹẹ obọ Osanobua ọre oya ne ọ re ke rre”
53:3-5
Emwa wa gha zaan Jesu, iran na vbe kha wẹẹ ọmwa nọ rhooro ẹre nọ. Emwa eso yayi wẹẹ, te Osanobua ghaa rhie Jesu oya vbe na miẹn wẹẹ, te ọ mu emianmwẹ dan kun ẹnrẹn
‘Ọ kegha re ahoo ọghe Jehova na gbẹre, . . . kevbe wẹẹ obọ re ẹre ahoo ọghe Jehova khian la mwẹ amusẹ’
53:10
Vbe nai na gbawawẹ, ẹko balọ e Jehova vbe ẹghẹ na ya gbe Ovbiẹre rua. Sokpan ẹko ẹre wa gha sọyẹnmwẹ vbe ọ miẹn wẹẹ, Jesu da imudiase ọghẹe yi sẹ ufomwẹ. Uwu ọghe Jesu keghi rhiẹre ma wẹẹ, ọmwa ohoghe ẹre Setan khin rhunmwuda ọ khare wẹẹ eguọmwadia Osanobua rhọkpa i khian sẹtin ya ẹkoata ga Osanobua. Emwa ni roro iro fi uyinmwẹ werriẹ vbe miẹn ere vbe uwu ọghe Jesu. Uwu ọghẹe ẹre ọ zẹ ighẹ ‘ahoo ọghe Jehova’ mwẹ amusẹ