UYINMWẸ ỌGHE IMA NE IVBIOTU E KRISTI
Ru Iyobọ Ne Ivbuẹ Ne Iran Gha Mwẹ Amuẹtinyan Nẹi Beghe Yan Ayi Ọghomwa
Evbayi keghi rhie urhomwẹ gie Jehova. (Psm 19:1-4; 139:14) Vbọrhirhighayehẹ, imamwaẹmwi nibun vbe agbọn ọghe Esu na, keghi gbodan ghee ẹmwata ni dekaan vbene arrọọ ya suẹn hẹ. (Rom 1:18-25) De vbene u khian ya sẹtin ru iyobọ ne ivbuẹ hẹ ne egbe imamwaemwi vberriọ ghẹ do gbọzinia vbe ekhọe ọghe iran? Ke egbe ọvbokhan maa iran re wẹẹ e Jehova gele rrọọ kevbe wẹẹ, ọ hoẹmwẹ iran ne iran mieke na gha mwẹ amuẹtinyan daa re. (2 Kọr 10:4, 5; Ẹfis 6:16) Hia nu rẹn vbene ọ gele ye hẹ vbe ekhọe ọghe iran ighẹ emwi na maa iran re vbe esuku, u ghi vbe hia nu gha loo emadogua hia na kpemehe ẹre ya sẹ ekhọe ọghe iran.—Itan 20:5; Jems 1:19.
VBE A GHA GHI GHEE ẸRE FO NẸ IGHE NE VIDIO EMWI NE IHUA KHARE—EVBỌZẸ NA GHA NA YAYI WẸẸ OSANOBUA RRỌỌ, U GHI ZẸ EWANNIẸ YE AVBE INỌTA NA:
De ohoghe ọkpa ne emwa wa mobọ ta nọ dekaan na yayi wẹẹ Osanobua rrọọ?
De emwi ne iran maa ruẹ re vbe esuku?
De emwi nọ ya ruẹ yayi wẹẹ e Jehova rrọọ?
De vbene u gha ya ru iyobọ ne ọmwa hẹ, nọ mieke na yayi wẹẹ Osanobua ẹre ọ yi emwi hia?