Etẹn gha rhie asobọrrie ne ọmwa vbe ọkpẹn e Monrovia vbe Liberia

Igiemwi Ọghe Vbene A Ya Kporhu Hẹ

●○○OTUẸ NOKARO

Inọta: E Baibol ye mwẹ esa nọ ye vbe ẹdẹnẹrẹ ra?

Evbagbẹn Nọhuanrẹn: 2 Tim 3:16

Inọta Na Ya Gbe Ẹyotọ Atuẹ Werriegbe: De emwi ne Baibol mobọ guan kaẹn?

○●○ATUẸ WERRIEGBE NOKARO

Inọta: De emwi ne Baibol mobọ guan kaẹn?

Evbagbẹn Nọhuanrẹn: Mat 6:10

Inọta Na Ya Gbe Ẹyotọ Atuẹ Werriegbe: De emwi ne Arriọba Osanobua khian fiangbua?

○○●ATUẸ WERRIEGBE NOGIEVA

Inọta: De emwi ne Arriọba Osanobua khian fiangbua?

Evbagbẹn Nọhuanrẹn: Dan 2:44

Inọta Na Ya Gbe Ẹyotọ Atuẹ Werriegbe: De vbene agbọn na khian gha ye hẹ vbe Arriọba Osanobua?

Ke uki na kpa, ne abọ, “Vbene A Khian Ya Rhiẹre Ladian Hẹ,” i khian ghi gha rre iko ne ima do vbuwe uzọla. Igiemwi Ọghe Vbene A Ya Kporhu Hẹ, ẹre a khian ghi gha miẹn vbe Ebe Iwinna Na Loo Vbe Ne Iko Uyinmwẹ Kevbe Iwinna Ọghe Ima. Abọ ọgbọn na, nọ re Igiemwi Ọghe Vbene A Ya Kporhu Hẹ keghi mwẹ inọta na ya mu ẹmwẹ so, ako evbagbẹn nọhuanrẹn na khian tie kevbe inọta na khian ya gbe ẹyotọ ọghe atuẹ werriegbe. Ọkpa ọkpa ẹre a khian gha kpee vbe vidio ọghe vbene a ya kporhu hẹ vbe uzọla uzọla. Ma mwẹ ebe ughughan ne ima ya gu emwa ruẹ e Baibol. Dọmwadẹ etẹn ni ya iyẹn wewe ẹre ọ khian tobọ iran zẹ ebe ne iran khian rhie ladian vbe otuẹ nokaro ra ne iran khian ya gu ọ yan owa ziro vbe atuẹ werriegbe. Inọta eva, ẹre ọ khian gha ladian vbe ebe iwinna ọghe ima, ne ima gha sẹtin loo ya gbe ẹyotọ ọghe atuẹ werriegbe. Obẹlẹ na, gha ru iyobọ ne ima ya gualọ emwa ni mwẹ ẹkoata, ni hoo ne iran gha mwẹ arrọọ etẹbitẹ.—Iwinna 13:48.

Abọ Ọghe Owebe: Adeghẹ u na gha mwẹ orhiema vbe abọ ọghe owebe, loo igiemwi ọghe vbene a ya kporhu hẹ, sokpan wẹẹ a rhie adia ọvbehe nuẹ.