Vbene A Ya Guẹ Sayọ Vbe Iwinna Ikporhu—Vbene A Ya Ru Iyobọ Ne Ọmwa Na Gu Ruẹ E Baibol Nọ Gha Muegbe Iruẹmwi Yotọ

EVBỌZẸE NE Ọ NA RU EKPATAKI: Emwa ne ima gu ruẹ e Baibol, gha rherhe sẹtin rẹn otọ emwi ne ima maa iran re, kevbe wẹẹ iran gha sẹtin gha yee ẹre rre deghẹ iran na muegbe yotọ. Iran na gha rẹn otọ emwi na maa iran re kevbe wẹẹ, iran ma na mianmian, iran ghi rherhe gha mwẹ alaghodaro. Uhiẹn vbe iran gha ye dinmwiamẹ nẹ, ọ khẹke ne iran ye gha muegbe yotọ khẹ iko kevbe iwinna ikporhu ne iran mieke na sẹtin ‘gha bodẹ.’ (Mat 25:13) Rhunmwuda ọni, iran gha wa miẹn ere vbe arrọọ ọghe iran deghẹ iran na rẹn vbene a ya ruẹ ne egbe ọmwa hẹ vbe ẹghẹ hia. Ẹghẹ ne ima wa ya suẹn gha gu iran ruẹ emwi, ẹre ọ khẹke ne ima ya ru iyobọ ne iran ya gha muegbe iruẹmwi yotọ.

VBENE A YA RUẸ HẸ:

• 

  Rhie igiemwi esi yotọ ne iran. (Rom 2:21) Ọ khẹke ne ẹmwẹ ọmwa ne u gu ruẹ emwi gha rrọ ruẹ ekhọe vbe u ghaa muegbe iruẹmwi yotọ. (km 11/15 3) Mu ebe ruẹ ma rẹn, ne ọ bẹghe vbene u ya vinnọ emwi ye ototọ avbe uhunmwu ẹmwẹ ra ifiẹmwẹ eso hẹ

• 

  Rhie igiọdu nẹẹn, nọ ya muegbe yotọ. U gha wa suẹn gha gu ọmwa ruẹ e Baibol nẹ, gi ẹre rẹn wẹẹ na muegbe iruẹmwi yotọ keghi re asefẹn ọkpa vbe Baibol na gu ọmwa ruẹ; u ghi vbe gi ẹre rẹn ere na miẹn vbọ deghẹ a na ru vberriọ. Rhie azẹvbiro eso nẹẹn, nọ gha ru iyobọ nẹẹn ya mwamwa ẹghẹ ne ọ khian ya gha muegbe iruẹmwi yotọ. Etẹn eso ghaa gu ọmwa ruẹ emwi, iran ghi mu ebe ọghe iran, ne iran vinnọ emwi yi ne ọmwa ne iran gu ruẹ e Baibol, nọ mieke na ru iyobọ nẹẹn ya rẹn ere na miẹn vbọ deghẹ a na gha muegbe yotọ. Adeghẹ ọ na muegbe yotọ, u ghi tian rẹn yọ

• Maa re vbene a ya muegbe yotọ hẹ. Etẹn eso gha da suẹn gha gu ọmwa ruẹ emwi, iran ghi loo ẹghẹ iruẹmwi nii ya maa re vbene a ya muegbe yotọ khẹ iruẹmwi hẹ