EMWI EWE NI RRE UWU ẸMWẸ ỌGHE OSANOBUA | GẸNẸSIS 15-17

Vbọzẹe Ne Jehova Na Fi Eni Ebram Kevbe Serai Werriẹ?

17:1, 3-5, 15, 16

Ọmwa nẹi mwẹ abakuru ẹre Ebram ghaa khin vbe aro e Jehova. E Jehova ghi gu Ebram guan nẹ vbekpae eyan ne irẹn yan ma rẹn, ọ na ghi mu eni ọgbọn ne Ebram vbe Serai. Eni nọ he iran re keghi rhiẹre ma, emwi nọ khian sunu vbe odaro.

Emwi ne a ya eni iran kha keghi gele mwẹ amusẹ vbe egbe iran. Ebraham keghi do khian erha agbẹnvbo nibun, vbene Sera na vbe khian iye odede ọghe ọba nibun.

Ebraham

Erha Ọghe Ọkhọngborrie Emwa
Sera

Ovbi Ọba Nokhuo ra Uvbi

Efoto: Ọtẹn nokhuo ọkpa nọ re igbama keghi mwẹ alaghodaro vbe odẹ ọghe orhiọn. 1. Ọ dinmwiamẹ. 2. Ọ ru orhiema vbe iko. 3. Ọ gha kpee vidio ne okhuo ọkpa vbe ikporhu.

Ma i khian sẹtin ta eni ne ima hoo ne a gha tie ima vbe a gha biẹ ima. Sokpan vbe na ghee Ebraham kevbe Sera, uyinmwẹ ima ẹre ọ khian ya emwa rẹn aro ọmwa ne ima khin. Nọ egbuẹ wẹẹ:

‘De emwi ne I gha ru nọ gha ya e Jehova gha ghee mwẹ zẹvbe ọmwa nẹi mwẹ abakuru?’
‘De aro ne Jehova ya ghee mwẹ?’