U Hia Ne U Gha Rẹn Vbene Jehova Ya Họn Erhunmwu Ruẹ Ra?

E Baibol guan kaẹn emwa nibun ne Jehova họn erhunmwu iran. Vbe eguọmwadia Osanobua nẹdẹ ghi miẹn vbene Jehova ya họn erhunmwu iran hẹ, kevbe vbene ọ ya ru iyobọ ne iran, ẹi mwẹ ọ ma ya amuẹtinyan ọghe iran wegbe sayọ. Nọnaghiyerriọ, ma ghaa na erhunmwu gie Jehova, ọ khẹke ne ima gha sunu ye emwi ne ima hoo nọ ru ne ima, ma ghi vbe hia ne ima rẹn vbene Jehova ya họn erhunmwu ima hẹ. U ghi yerre wẹẹ, odẹ ne Jehova khian ya họn erhunmwu ruẹ, sẹtin lughaẹn ne vbene u te yaro yi, ọ sẹtin vbe ru gberra emwi ne u nọ rẹn. (2 Kọr 12:​7-9; Ẹfis 3:20) De emwi eso ne Jehova gha sẹtin ru ne ima, vbe ima gha na erhunmwu gie ẹre?

• Ọ gha rhie ẹtin ne ima, ọ gha mu ima orhiọn sotọ, ọ vbe ru iyobọ ne ima ya gha mwẹ amuẹtinyan nọ wegbe, vbe ima ghaa rre uwu ọlọghọmwa.​—Fil 4:13

• Ọ gha rhie ẹwaẹn ne ima, ne ima mieke na sẹtin ru azẹ nọ maan.​—Jems 1:5

• Ọ gha gua ima kpa, ọ ghi vbe rhie ẹtin ne ima ya ru emwi nọ khẹke.​—Fil 2:13

• Ọ gha mu ima orhiọn sotọ vbe ima ghaa si osi.​—Fil 4:​6, 7

• Ọ gha loo emwa ọvbehe ya kpemehe emwi ne ima gualọ ne ima, iran ghi vbe rhie igiọdu ne ima.​—1 Jọn 3:​17, 18

• Ọ gha ru iyobọ ne emwa ne ima na erhunmwu na. ​—Iwinna 12:​5, 11

GHEE VIDIO NỌ MWẸ UHUNMWUTA NỌ KHARE WẸẸ, E JEHOVA ỌRE OSA NỌ “HỌN ERHUNMWU,” IYEKE ỌNI, A GHI ZẸ EWANNIẸN YE AVBE INỌTA NA:

• De vbene okha ọghe Ọtẹn Nokpia Shimizu khian ya rhie igiọdu ne ima hẹ, deghẹ emianmwẹ i ghi gi ima ru emwi eso ne ima te ka ru?

• De vbene ima khian ya ya egbe taa Ọtẹn Nokpia Shimizu hẹ?