Erhunmwu Ne Ima Na Ru Ekpataki Vbe Aro E Jehova

Te erhunmwu ne eguọmwadia e Jehova na yevbe eturari nọ winhin, na ghaa giẹn vbe Ọgua Osa. (Psm 141:2) Deghẹ ima na gha tama Erha ima nọ rre ẹrinmwi vbene ima hoẹmwẹ ọnrẹn hẹ, ma na gha kpọnmwẹ ọnrẹn ye emwi nọ ru ne ima, ma na gha fannọ otọ ẹko ima ma rẹn, ma na gha tama rẹn emwi ne ima gualọ, ma na vbe gha rinmwiaẹn nọ dia ima, ọ rhie ma wẹẹ, ma gbọyẹmwẹ ye ẹkpotọ nọ kie ne ima, ne ima ya gha re ọsiọre. Ọghe ne ẹmwata, e Jehova ghee erhunmwu ne kuẹi ne ima na vbe iko zẹvbe odẹ ne kpataki ne ima ya ga irẹn. Vbọrhirhighayehẹ, te ẹko wa rhiẹnrhiẹn e Jehova vbe ima gha loo ẹghẹ nọ taẹn ya fannọ otọ ẹko ima ma rẹn, vbe ima ghaa na erhunmwu!​—Itan 15:8.

GHEE VIDIO NỌ MWẸ UHUNMWUTA NỌ KHARE WẸẸ, ẸGHẸ HIA ẸRE I YA NA ERHUNMWU, IYEKE ỌNI, A GHI ZẸ EWANNIẸN YE AVBE INỌTA NA:

• De iwinna ne kpataki eso ne Ọtẹn Nokpia Johnson he ru vbe ugamwẹ e Jehova?

• De vbene Ọtẹn Nokpia Johnson he ya rhie ẹre ma wẹẹ, irẹn mu ẹtin yan e Jehova vbe odẹ nọ ya na erhunmwu?

• De emwi eso ne u ruẹ re vbe okha ọghe Ọtẹn Nokpia Johnson?