Emwa Ne COVID He Gbele Gberra Ẹbo Ehan (6 Million)​—De Emwi Ne Baibol Tae Vbekpa Ọna?

Otu na tie ẹre World Health Organization (WHO) khare wẹẹ, ọ te do sẹ May 23, 2022, ẹbo emwa 6.27 (6.27 million) ẹre COVID-19 he gbele. Vbọrhirhighayehẹ, vbe iyẹn ọkpa nọ ladian vbe May 5, 2022, e WHO keghi kha wẹẹ, emwa ni he wulo kakabọ gberra vberriọ. Iran khare wẹẹ, vbe ukpo 2020 kevbe 2021, “emwa hia ni wulo rhunmwuda e COVID-19 kevbe ọlọghọmwa ni lelẹe khian . . . rrie odẹ ẹbo 14.9 (14.9 million).” De emwi ne Baibol tae vbekpa emwi vbenian?

E Baibol ka tae yotọ wẹẹ, te emianmwẹ ni wegbe khian gha gbele emwa

• Jesu tae yotọ wẹẹ, te “okpe emianmwẹ” khian gbaa ehe hia vbe ẹghẹ ne Baibol tie ẹre “ẹdẹ okiekie.”​—Luk 21:11, Contemporary English Version; 2 Timoti 3:1.

Emwi ne Jesu tae wa gele sunu vbe ẹdẹnẹrẹ. U ghaa hoo ne u rẹn sayọ, ya tie uhunmwuta nọ khare wẹẹ, “What Is the Sign of ‘the Last Days,’ or ‘End Times’?“

E Baibol keghi rhie ifuẹko ne ima

• “Osanobua ne iyobọ hia ke obọ ẹre rre . . . ẹre ọ ye ima obọ vbe uwu ọlọghọmwa mwa hia.”​—2 Kọrinti 1:3, 4.

E Baibol wa rhie ifuẹko ne emwa nibun ne emwa iran wulo. U ghaa hoo ne u rẹn sayọ, tie avbe uhunmwuta na, “Coping With Grief​—What You Can Do Today“ kevbe “The Best Help for Those Who Grieve.“

E Baibol tama ima vbene avbe ọlọghọmwa na hia khian ya sẹ ufomwẹ hẹ

• “Gi Arriọba ruẹ rre. Gia gha ru emwi ne u hoo vbe agbọn na, zẹvbe na vbe ru ẹre vbe ẹrinmwi.”​—Matiu 6:10.

“Arriọba Osanobua” gha rre nẹ, ai khian ghi miẹn ọmwa “nọ gha kha wẹẹ, irẹn khuọnmwi.” (Mak 1:14, 15; Aizaia 33:24) Deghẹ u hoo ne u rẹn vbekpa arriọba na nọ rre ẹrinmwi, kevbe emwi nọ khian ru ne emwa nagbọn, ya ghee vidio nọ mwẹ uhunmwuta nọ khare wẹẹ, De Emwi Ne Arriọba Osanobua Khin?

Ma rhie igiọdu nuẹn, ne u do ruẹ vbekpa emwi ne Baibol khare, ne uwẹ vbe ẹgbẹe ruẹ mieke na miẹn ere vbe avbe ẹmwẹ ibude ni rre uwu ẹre, kevbe avbe emwi ọyunnuan nọ tama ima wẹẹ ọ gha sunu vbe odaro.