ABỌ 14

De Vbene U Khian Ya Rhiẹre Ma Wẹẹ Obọ Ọghe Jehova Ẹre U Ye?

Gha rhiẹre ma wẹẹ obọ ọghe Osanobua ẹre u ye. 1 Pita 5:6-9

Ovbiotu e Kristi ọkpa gbaengbe ne emwamwa otu azẹ kevbe ugamwẹ ohoghe

Ghẹ gha mwẹ obọ vbe emwi rhọkpa nọ ma gua ilele ọghe Baibol ro. Ọna keghi gualọ udinmwẹ.

Ghẹ gha mwẹ obọ vbe emwamwa otu azẹ rhọkpa rhunmwuda, otu azẹ ọghe emwa nagbọn i ye Jehova kevbe Arriọba ọghẹe ike.

Danmwehọ Osanobua rhunmwuda, ọni ọre azẹ nọ ghi maan sẹ. Matiu 7:24, 25

Okpia ọkpa rrie Ọgua Arriọba do gu Avbe Osẹe Jehova do iko, Osẹe Jehova ọkpa na vbe gha maa re Baibol

Gha gu Avbe Osẹe Jehova mu obọ rhunmwuda, iran gha ru iyobọ nuẹ ya sikẹ Osanobua.

Ye gha ruẹ vbekpae Osanobua, u ghi vbe hia ne u gha lele uhi ọghẹe.

Okpia ọkpa gha yegbe fiohan ne Jehova, ọ na vbe do dinmwiamẹ

Zẹvbe ne amuẹtinyan ruẹ ya wegbe yọ, u ghi ya arrọọ ruẹ fi ohan ne Jehova, iyeke ọni, u ghi dinmwiamẹ.—Matiu 28:19.

Danmwehọ Osanobua. Gha tie Baibol, tama Avbe Osẹe Jehova ne iran ru iyobọ nuẹ ya rẹn otọ emwi ne u tie. U ghi vbe gha rhie emwi ne u ruẹ ye uyinmwẹ. Adeghẹ u na ru vberriọ, arrọọ ọghe etẹbitẹ gha sẹ ruẹ obọ.—Psalm 37:29.