Vbene A Khian Ya Rhiẹre Ladian Hẹ

Inọta: Emwa eso keghi gbawawẹ deghẹ Jesu gele gha rrọọ, vbene eso na wa yayi wẹẹ, ọ ghaa rrọọ. Emwa eso vbe kha wẹẹ, ẹi khian gi ọmwa rhọkpa rẹn deghẹ ọ gele gha rrọọ. Vbe uwẹ a vbe ghee ẹre hẹ?

Vbene A Khian Ya Rhiẹre Ladian Hẹ: Awake! na keghi guan kaan evbọ sẹ osẹ yọ wẹẹ Jesu gele gha rrọọ.

Inọta: Vbọ sunu daa ima vbe ima gha wu?

Evbagbẹn Nọhuanrẹn: Jọn 11:11-14

Ẹmwata: Ọmwa nọ wu nẹ, i ghi mwẹ arrọọ. Rhunmwuda ọni, esa i rrọọ ne ima ya gha siosi ba emwi nọ gha sunu vbe ima gha wu nẹ. Jesu keghi ya uwu gie ovbe. Zẹvbe nọ ya huẹn Lazarọs kpaegbe vbe idin, Jesu gha vbe ‘huẹn’ emwa ima ni wulo kpaegbe ne iran mieke na werriegbe do sọyẹnmwẹ arrọọ vbe uhunmwu otagbọn na.—Job 14:14.

Vbene A Khian Ya Rhiẹre Ladian Hẹ: Ọ gha yẹẹ mwẹ ne u do danmwehọ ọta ọghe Baibol ọghọhẹ na khian ya guan vbe Ọgua Arriọba ọghe ima. [Rhie ne ebe itie ọghe iko nẹ, u ghi yunu kaan ẹghẹ ne uwa ya do iko na do vbe ufomwẹ uzọla kevbe ehe nọ khin kevbe u ghi vbe ya unu kaan uhunmwuta ọghe ne ọta azagba.]

Inọta: Uwẹ he ka yo Ọgua Arriọba ẹdẹ ra? [Adeghẹ esa rrọọ, kpee ne vidio De Emwi Na Ru Vbe Ọgua Arriọba?]