Vbene A Khian Ya Rhiẹre Ladian Hẹ

Inọta: Emwa eso ghee ẹre wẹẹ, e Baibol i ghi mwẹ emwi nọ gia ya ru, vbene eso na yayi wẹẹ, ọ wa ye mwẹ esa nọ ye. Vbe uwẹ a vbe ghee ẹre hẹ?

Evbagbẹn Nọhuanrẹn: 2 Tim 3:16, 17

Vbene A Khian Ya Rhiẹre Ladian Hẹ: E Watchtower na, guan kaan vbene ẹmwẹ ẹwaẹn ni rre uwu e Baibol ya ru iyobọ ne emwa hẹ kevbe vbene a khian ya miẹn ere hẹ vbe Baibol na tie.

Inọta: Ufomwẹ ọghe agbọn na sotọ nẹ ra?

Evbagbẹn Nọhuanrẹn: Mat 24:3, 7, 14

Ẹmwata: Ẹmwẹ akhasẹ ni rre uwu e Baibol rhiẹre maa wẹẹ, ẹghẹ okiekie ẹdẹ ẹre ima ye na. Sokpan, ọna keghi re iyẹn nọma—rhunmwuda ọ rhiema wẹẹ, agbọn nọ maan gha rherhe sẹ ima obọ.

Inọta: Emwa eso roro ẹre wẹẹ, te Osanobua yi agbọn na, ne ọ ya danmwẹ ima ghee deghẹ ima gbegba nọ gha gu irẹn gha rre ẹrinmwi, vbe uwẹ a vbe ghee ẹre hẹ?

Vbene A Khian Ya Rhiẹre Ladian Hẹ: Ebe ẹmu na rhan otọre evbọzẹ ne emwa nibun na yayi wẹẹ te Osanobua yi agbọn na, ne emwa nagbọn gha rrọọ vbe etẹbitẹ. I gha hoo ne I werriegbe rre, ne ima do ziro yan inọta nokaro nọ rre ipapa 10: “De Emwi Ne Osanobua Mwẹ Vbe Ekhọe Nọ Gu Yi Agbọn Na?”