Ọtẹn gha tie Baibol vbene ọ na vbe ru erria yan rẹn
Vbene A Khian Ya Rhiẹre Ladian Hẹ
AWAKE!
Inọta: Obọ Osanobua ẹre Baibol ke rre ra? Ra iziro ọghe emwa nagbọn ẹre a ya gbẹn ọnrẹn?
Evbagbẹn Nọhuanrẹn: 2 Tim 3:16
Vbene A Khian Ya Rhiẹre Ladian Hẹ: Awake! na guan kaan emwi eha nọ sosẹ yọ wẹẹ ebe nọ gele ke obọ Osanobua rre ẹre Baibol khin.
GI EMWA RẸN NE ẸMWATA
Inọta: De aro nọ khẹke ne ima ya gha ghee arrọọ?
Evbagbẹn Nọhuanrẹn: Arhie 4:11
Ẹmwata: Ugbẹnvbe a miẹn wẹẹ ẹse nọ ke obọ Osanobua rre ẹre arrọọ khin, te ọ khẹke ne ima gha ya aro nọ ghaan ghee ẹre. Ọ ma khẹke ne ima gha ya arrọọ ọghe ima fialasẹ kevbe wẹẹ ima i vbe do ọmwa izigha. Aro nọ ghaan ẹre ima ya ghee arrọọ.
DE EMWI NỌ KHIAN YE ẸGBẸE GHA MWẸ OGHỌGHỌ?
Inọta: Ghee inọta nọ rre odaro asobọrrie na kevbe ewanniẹ eso ne emwa rhie yọ. Vbe uwẹ a vbe ghee ẹre hẹ?
Evbagbẹn Nọhuanrẹn: Luk 11:28
Vbene A Khian Ya Rhiẹre Ladian Hẹ: Asobọrrie na guan kaan emwi ne uwẹ vbe ẹgbẹe ruẹ gha ru nọ gha ru iyobọ ne uwa ya gha mwẹ oghọghọ kevbe evbọzẹ ne ima gha na yaeyi ighẹ emwi ne Baibol tae.
MUEGBE ẸRE YOTỌ IGHẸ ẸMWẸ OBỌ RUẸ NE U KHIAN TA YA RHIẸRE LADIAN
Loo avbe igiemwi na, ya mwamwa ẹmwẹ obọ ruẹ nu khian ta ya rhiẹre ladian.