Gha Mwẹ Avbe Akpa Ọghe Ivbiotu E Kristi—Amuẹtinyan

EVBỌZẸ NE Ọ NA RU EKPATAKI:

• Ọmwa nẹi mwẹ amuẹtinyan i sẹtin ya ẹko rhiẹnrhiẹn Osanobua ẹse.—Hib 11:6

• Amuẹtinyan ne ima mwẹ daa avbe eyan ọghe Osanobua ẹre ọ ya ima ziengbe edanmwẹ.—1 Pit 1:6, 7

• Adeghẹ ima i mwẹ amuẹtinyan, ma sẹtin ru orukhọ.—Hib 3:12, 13

VBENE A YA RUẸ HẸ:

• Na erhunmwu ne Osanobua rhie amuẹtinyan nọ wegbe nuẹ.—Luk 11:9, 13; Gal 5:22

• Gha tie Evbagbẹn Nọhuanrẹn vbe ẹghẹ hia kevbe ne u gha ru erria yan emwi ne u tie.—Rom 10:17; 1 Tim 4:15

• Gha gu emwa ni mwẹ amuẹtinyan muobọ vbe ẹghẹ hia.—Rom 1:11, 12

VBE A GHA GHI GHEE ẸRE FO NẸ IGHE NE VIDIO GHA KHUẸ KHIAN EMWI NỌ GHA SẸTIN YA ẸKOATA RUẸ WEGBE SAYỌ—AMUẸTINYAN, U GHI ZẸ EWANNIẸ YE AVBE INỌTA NA:

• Vbọ re amuẹtinyan “ne ẹ i re ọghe ababaa [abawẹ]”? (1 Tim 1:5)

• Ne amuẹtinyan ọghe ima mieke na wegbe, de emwi eso nọ khẹke ne ima gbaengbe na?

• Vbọsiẹ ne ima na gualọ amuẹtinyan vbe ẹghẹ orueghe nọkhua? (Hib 10:39)