UYINMWẸ ỌGHE IMA NE IVBIOTU E KRISTI
Ya Arrọọ Ruẹ Hia Rhie Urhomwẹ Ne Jehova!
Arrọọ keghi re emwi ne Osanobua ya ru ima ẹse. Vbene ima ya lo arrọọ ọghe ima vbe ẹdẹgbegbe keghi rhiẹre ma deghẹ ima gbọyẹmwẹ ye ẹse na. Zẹvbe Osẹe Jehova, ma keghi loo evba ya we ima ya rhie uyi ne Jehova nọ re Ẹzi ọghe arrọọ. (Psm 36:9; Arhie 4:11) Sokpan, osi evba gha re, evba gha da sẹtin ya ima mianmian emwi orhiọn. (Mak 4:18, 19) Ọ khẹke ne dọmwadọghẹ nọ egbe ẹre wẹẹ: ‘Mẹ gele rhie nọ maan sẹ ne Jehova ra? (Hoz 14:2) Mẹ loo ẹghẹ nọ khẹke ne I loo ye ugamwẹ ọghe Jehova ya ru ọghe enegbe mwẹ ra? Vbọ re evbakọnrẹn ọghomwẹ vbe odẹ ọghe orhiọn? Vbia khian ya ru sayọ hẹ vbe iwinna ikporhu iyẹn nọ maan?’ Adeghẹ u na bẹghe ẹre wẹẹ ọ mwẹ ako eso nọ khẹke ne u winna yan, rinmwia e Jehova nọ ru iyobọ nuẹ ya sẹtin ru afiwerriẹ nọ khẹke. Vbene ẹmwata, u gha miẹn isọkẹn kevbe oghọghọ deghẹ u na gha rho e Jehova vbe ẹdẹgbegbe!—Psm 61:8.
De ọmwa ne uwẹ loo ẹre na ighẹ evba ya we ruẹ?
VBE A GHA GHI GHEE ẸRE FO NẸ IGHẸ NE VIDIO LOO EVBA YA WE RUẸ YA RHIE URHOMWẸ NE JEHOVA, U GHI ZẸ EWANNIẸ YE AVBE INỌTA NA:
Vbọsiẹ nọ na re emwi ukọnmwẹ na loo evba ya we ọmwa vbuwe agbọn ọghe Setan? (1 Jọn 2:17)
De afiangbe na lae miẹn deghẹ a na rhie nọ maan sẹ ne Jehova?
De ẹkpotọ nọ kie ne ima, ne ima ya loo evba ya we ima vbe ugamwẹ ọghe Jehova?