‘Wa Gha Bodẹ’

25:​1-12

Agharhemiẹn wẹẹ, rhunmwuda Ivbiotu e Kristi na hannọ zẹ ẹre Jesu na zẹ erre ọghe uvbi igbe, ọ vbe dekaan Ivbiotu e Kristi hia. (w15 3/15 12-16) “Rhunmwuda ọnii, wa gha ba egbe vbe ne uwa ma na rẹn ikpẹdẹ ra ẹghẹ ne ọ wa khin.” (Mat 25:13) Uwẹ gha sẹtin rhan otọ erre ne Jesu zẹ na ra?

• Ọdafẹn ọha (uviẹn 1)—Jesu

• Uvbi ni mwẹ ẹwaẹn kevbe ni muegbe yotọ (uviẹn 2)—Ivbiotu e Kristi na hannọ zẹ, ni muegbe ne iran ya ru iwinna ọghe iran ẹse, kevbe ni baa vbe na ghee ukpa, ọ te sẹ ufomwẹ agbọn na (Fil 2:15)

• Emwa datu wẹẹ: “Ọdafẹn ọha rre nẹ o!” (uviẹn 6)—Osẹ ọghe urremwẹ Jesu

• Uvbi ni kọn (uviẹn 8)—Ivbiotu e Kristi na hannọ zẹ ni ladian ya miẹn Ọdafẹn Ọha, sokpan iran ma gha bodẹ kevbe wẹẹ, iran ma da imudiase ọghe iran yi

• Uvbi ni mwẹ ẹwaẹn ma kue ne uvbi ni kọn gu iran ghae vbe ofigbọn ọghe iran (uviẹn 9)—Vbe a gha ghi sẹ ama nokiekie ye uharo ọghe emwa na hannọ zẹ nẹ, iran i ghi sẹtin ru iyobọ ne emwa ọvbehe ni ma da imudiase ọghe iran yi

• “Ọdafẹn ọha keghi rre” (uviẹn 10)—Ọna keghi re ẹghẹ ne Jesu khian ya bu ohiẹn emwa nagbọn, vbe ọ ghaa bu ufomwẹ orueghe nọkhua

• Uvbi ni mwẹ ẹwaẹn keghi lele ọdafẹn ọha la ugie orọnmwẹ, ẹre a na ghi rhie urho khui (uviẹn 10)—Jesu si emwa na hannọ zẹ ni mwẹ amuẹtinyan koko gha rrie ẹrinmwi, sokpan iran ni ma da imudiase ọghe iran yi ma miẹn isaẹnse ọghe arrọọ vbe ẹrinmwi