“Ye Gha Mu Ena Hia Roro”

De emwi ne ima khian mu roro? Ebe Filipai 4:8 gi ima rẹn wẹẹ, usun emwi nọ khẹke ne ima gha mu roro ọre emwi ẹmwata, emwi nọ ru ekpataki, emwi ni maan, emwi nọ gia ta ẹmwẹ ọnrẹn ẹse kevbe emwi nọ mwẹ uyi. Ọna ma rhiema wẹẹ, emwi orhiọn ọkpa ẹre ọ khẹke ne Ivbiotu e Kristi gha mu roro. Sokpan, ọ khẹke ne emwi ke emwi ne ima mu roro gha re emwi nọ yẹẹ e Jehova. Ọ ma khẹke ne emwi ne ima mu roro gha re emwi nọ gha sẹtin mu asikẹgbe ne ima gu e Jehova mwẹ ye ikpadede.—Psm 19:14.

Na sẹtin gbaengbe ne iziro dan i re emwi nọ khuẹrhẹ. Emwi nọ yae lọghọ ọre amagba ọghe ima kevbe Setan nọ re ọmwa nọ kha yan agbọn dan na. (2 Kọr 4:4) E Setan ẹre ọ dia emwi nibun ne ima bẹghe vbe ẹkpẹti ughe, ne ima danmwehọ re vbe rredio, ne ima miẹn vbe intanẹt kevbe ebe ughughan ne emwa gbẹnnẹ. Ọ khẹke ne ima gha hannọ emwi ne ima tie, emwi ne ima ghee kevbe emwi ne ima danmwehọ re, vbe ẹi erriọ, ọ sẹtin mu ekhọe ima kevbe uyinmwẹ ima rhia.​—Jems 1:14, 15.

GHEE VIDIO NỌ MWẸ UHUNMWUTA NỌ KHARE WẸẸ GBAN EGBE NE EMWI NỌ GHA FẸKO GBE ẸKOATA RUẸ MUOTỌ—ODẸ NỌ MA KHẸKE NE EMWA YA SỌYẸNMWẸ EGBE, VBE IYEKE ỌNI, A GHI RHIE EWANNIẸN YE AVBE INỌTA NA:

• 

  De emwi ne ọtẹn nokpia nii ghaa ghee vbe efoni ọghẹe, kevbe wẹẹ, de emwi nọ kẹrikian?

• 

  De vbene ebe Galatia 6:7, 8 kevbe Psalm 119:37 ya ru iyobọ nẹẹn hẹ?