Gi Iziro Ruẹ Gha Rhie Ẹre Ma Wẹẹ U Ya Ẹkoata Ga E Jehova

Ẹ i wa re ẹmwẹ ne ima ta kevbe emwi ne ima ru ọkpa ẹre ọ khian rhie ẹre ma wẹẹ ima họn ẹmwẹ ne Jehova, sokpan, emwi ne ima mu roro gha vbe rhie ẹre ma deghẹ ima ya ẹkoata ga e Jehova. (Psm 19:14) Ọna ẹre ọ si ẹre ne Baibol na tama ima wẹẹ, emwi nọ khẹke ne ima gha mu roro, ọre emwi ke emwi nọ re ọghe ẹmwata, nọ ru ekpataki, nọ re ọghe ata, nọhuanrẹn, nọ yẹẹ emwa, na ta ẹmwẹ ọnrẹn ẹse, nọ re ọghe esi kevbe nọ mwẹ uyi. (Fil 4:8) Ẹmwata nọ wẹẹ, ma i sẹtin ru ẹre ne iziro dan ghẹ zẹdẹ la ima ekhọe. Vbọrhirhighayehẹ, deghẹ ima na gha dia egbe ima, ma gha sẹtin rhie iziro dan hin ekhọe ima rre, ma ghi ya iziro nọ maan rhie ihe ẹre. Deghẹ emwi ne ima mu roro vbe ekhọe na gha ya ẹko rhiẹnrhiẹn Osanobua, ọ gha ru iyobọ ne ima, ne uyinmwẹ ima vbe gha yẹẹ ọre.—Mak 7:​21-23.

Gbẹnnẹ emwi eso nọ ma khẹke ne ima gha mu roro ye ototọ edọmwadẹ ako ọghe Baibol na:

Rom 12:3

Luk 12:15

Mat 5:28

Fil 3:13