Uwẹ Ya Aro Nọ Ghaan Ghee Ẹmwẹ Osanobua Ra?

E Jehova ẹre ọ yan e Baibol, iziro ọghẹe ẹre ọ vbe rre uwu ẹre. (2 Pit 1:20, 21) E Baibol wa mobọ guan kaẹn vbene Arriọba ọghe Osanobua khian ya sinmwi oseghe ne ọdakha ọghẹe hẹ. Ọna ẹre ọ zẹe ne emwa nibun na mwẹ ayayẹro wẹẹ, emwi hia gha dunna vbe odaro. Yevbesọni, e Baibol wa vbe guan kaẹn akpa esiesi ne Jehova mwẹ.—Psm 86:15.

Ọ mwẹ evbọzẹe ne dọmwadẹ ima na ya aro nọ ghaan ghee Ẹmwẹ Osanobua. Sokpan, odẹ ọkpa nọ khẹke ne ima ya gha rhiẹre ma wẹẹ ima ya aro nọ ghaan ghee ẹre ọre ne ima gha tie ẹre vbe ẹdẹgbegbe, ma ghi vbe gha rhie emwi ne ima ruẹ ye uyinmwẹ. Te ọ khẹke ne uyinmwẹ ima vbe gha rhiẹre ma wẹẹ ima mwẹ egbe ekhọe ọghe ọsian nọ khare wẹẹ: “A miẹn vbene l hoẹmwẹ uhi ruẹ hẹ.”—Psm 119:97.

GHEE ABỌ NE KUẸI VBE VIDIO NỌ MWẸ UHUNMWUTA NỌ KHARE WẸẸ, IRAN KEGHA YA ARO NỌ GHAAN GHEE BAIBOL (WILLIAM TYNDALE), VBE IYEKE ỌNI, A GHI ZẸ EWANNIẸN YE AVBE INỌTA NA:

• 

  Vbọzẹe ne William Tyndale na zedu abọ eso vbe Baibol?

• De ẹrhiọn ne William Tyndale loo ro ne ọ mieke na sẹtin zedu e Baibol kevbe wẹẹ, de isievẹn eso ne ọ werriẹ aro daa?

• De vbene a ya lẹre viọ e Baibol ne Tyndale zedu ẹre lae England?

• De vbene dọmwadẹ ima khian ya rhiẹre ma wẹẹ ima ya aro nọ ghaan ghee Ẹmwẹ Osanobua?