Uwẹ Muegbe Nẹ Ra?

Uwẹ muegbe yotọ khẹ odekun ẹrhia nọ gha sẹtin sunu vbe udemwurri ra? Igbohiotọ ra odekun ẹrhia na tie ẹre hurricane sẹtin sunu, erhẹn sẹtin la oha, okpe amẹ nọ mu owa sẹtin wa vbe daa. Ena hia sẹtin wa sunu vbe udemwurri, ọ ghi wa mu emwi nibun rhia. Vbe deba ọni, emwa ni gbe olighi vbe ẹvbo sẹtin rhie ikuanegbe ne ima. Okpe emianmwẹ sẹtin wa vbe suẹn gha vẹwae khian vbe ẹvbo. (Asan 9:11) Nọnaghiyerriọ, ọ ma khẹke ne ima fiegbua, ne ima gha kha wẹẹ, emwi vbenian i khian sẹtin sunu vbe ẹdogbo ne ima ye.

Ọ khẹke ne dọmwadẹ ima muegbe yotọ khẹ odekun ẹrhia. (Itan 22:3) Agharhemiẹn wẹẹ, otu e Jehova wa ru iyobọ vbe odekun ẹrhia gha sunu, ọni ma wẹẹ ne dọmwadẹ ima ghẹ mu egbe yotọ.—Gal 6:5.

GHEE VIDIO NỌ MWẸ UHUNMWUTA NỌ KHARE WẸẸ UWẸ MUEGBE YOTỌ KHẸ ODEKUN ẸRHIA RA? IYEKE ỌNI, A GHI ZẸ EWANNIẸN YE AVBE INỌTA NA:

• 

  De vbene asikẹgbe ne ima gu e Jehova mwẹ khian ya ru iyobọ ne ima hẹ vbe odekun ẹrhia gha sunu?

• 

  Vbọzẹe nọ na khẹke ne u . . .

  • • gha gu avbe ediọn guan a te miẹn wẹẹ odekun ẹrhia sunu, vbọ ghaa sunu kevbe vbọ gha sunu nẹ?

  • • mwamwa emwi hia ne u gha sẹtin loo ye ẹkpo ne u gha sẹtin mu lele egbe?—g17.5 6

  • • gu ẹgbẹe ruẹ ziro vbe nọ dekaẹn aro odekun ẹrhia nọ gha sẹtin sunu vbe ẹdogbo ne uwa ye kevbe emwi nọ khẹke ne uwa ru vbọ gha sunu?

• 

  De odẹ eha ne ima gha ya sẹtin ru iyobọ ne emwa ne odekun ẹrhia sunu daa?