Gha Re Nọ Mu Egbe Yotọ Vbe Ẹghẹ Ufomwẹ Ọghe “Ẹdẹ Okiekie”

Ma wa werriẹ aro daa ọlọghọmwa nibun vbe ẹghẹ ufomwẹ ọghe “ẹdẹ okiekie” ne ima ye na, ma vbe rẹn wẹẹ te emwi khian gha rhia yọ rhia yọ. (2 Tim 3:1; nwtsty study note ọghe Mat 24:8) Odekun ẹrhia gha sunu, otu e Jehova keghi rhie adia nọ khẹke ne ima. Te adia vberriọ wa vbe rre ye ẹghẹ. Ma gha sẹtin miẹn uhunmwu vbe odekun ẹrhia gha sunu deghẹ ima na gha lele adia na rhie ne ima, ọni nọ wẹẹ, ma ghi mu egbe yotọ nia vbe odẹ ọghe orhiọn kevbe odẹ ọghe ikpakpa.—Luk 16:10.

• Mu egbe yotọ vbe odẹ ọghe orhiọn: Gha tie Baibol vbe ẹghẹ hia, u ghi vbe gha tie avbe ebe ọghomwa. Ruẹ vbene a ya loo obẹlẹ ughughan ya kporhu. Ghẹ gi afianma fian ruẹ, deghẹ u i rre eke ne etẹn nikẹre ye. (Aiz 30:15) E Jehova kevbe Jesu i khian sẹ ruẹ rae ẹdẹ.—od-E 176 ¶15-17

• Mu egbe yotọ vbe odẹ ọghe ikpakpa: Vbọ gberra ẹkpo ne ima gha sẹtin mu lele egbe, ọ khẹke ne dọmwadẹ ẹgbẹe gha mwẹ evbare, amẹ, ukhunmwu kevbe emwi ọvbehe ni ru ekpataki vbe owa, nọ gha mu iran la ẹghẹ eso, ai rẹn deghẹ a na miẹn wẹẹ iran ma sẹtin ladian vbe owa vbe ẹghẹ eso.—Itan 22:3; g17.5-E 4, 6

GHEE VIDIO NỌ MWẸ UHUNMWUTA NỌ KHARE WẸẸ, UWẸ MUEGBE YOTỌ KHẸ ODEKUN ẸRHIA RA? IYEKE ỌNI, A GHI ZẸ EWANNIẸN YE AVBE INỌTA NA:

• 

  Vbe ima khian ya mu egbe yotọ vbe odẹ ọghe orhiọn?

• 

  Vbọzẹe nọ na khẹke ne ima . . .

  • gha gu avbe ediọn guan?

  • mwamwa emwi hia ne ima gha sẹtin loo ye ẹkpo ne ima gha sẹtin mu lele egbe?

  • gu ẹgbẹe ọghe ima ziro vbe nọ dekaẹn aro odekun ẹrhia nọ gha sẹtin sunu vbe ẹdogbo ne ima ye kevbe emwi nọ khẹke ne ima ru vbọ gha sunu?

• 

  De odẹ eha ne ima gha ya sẹtin ru iyobọ ne emwa ne odekun ẹrhia sunu daa?

NỌ EGBUẸ WẸẸ, ‘De emwi ne egboghogbogho na tie ẹre COVID-19 maa mwẹ re vbekpae evbọzẹe nọ na ru ekpataki na gha mu egbe yotọ?’