Gha Ta Ẹmwẹ Nọ Gha Mu Emwa Ekhọe

Ekhọe obọmwa ẹre ọmwa ya họn ẹmwẹ ne Osanobua. (Itan 3:1) Rhunmwuda ọni, ma ghaa maa emwa emwi, ọ khẹke ne ima hia ne ima ta ẹmwẹ nọ gha mu iran ekhọe. Vbe ima khian ya ru ọna hẹ?

U ghaa maa ọmwa emwi, ẹi re imamwaemwi ẹmwata ni rre Baibol ọkpa ẹre ọ khẹke ne u maa re, te ọ khẹke ne u gi ẹre rẹn vbene emwi ne u maa ẹre ya dekaẹn arrọọ ọghẹe hẹ, kevbe asikẹgbe nọ gu e Jehova mwẹ. Ru iyobọ nẹẹn ya rẹn vbene ilele ni rre Baibol ya rhie ẹre ma wẹẹ, Osa nọ hoẹmwẹ ima kevbe Osa nọ maan, nẹi ru emwi nọ ma gba ẹre Jehova khin. Ya ẹwaẹn nọ rẹn ọta eso, ne u mieke na ru iyobọ nẹẹn ya zanzan ekhọe ọghẹe ghee, deghẹ ọ gele ya emwi nọ ruẹ yi. U ghi vbe ru iyobọ nẹẹn ya muẹn roro, ere nọ gha lae miẹn, deghẹ ọ na fi iziro nọ ma gba ra uyinmwẹ dan nọ gua ẹre obọ ro werriẹ. U gha bẹghe ẹre wẹẹ ọmwa ne u gu ruẹ Baibol ya ekhọe hia hoẹmwẹ e Jehova, ọyẹnmwẹ nọ khian gha sẹ ruẹ i gia gie.

GHEE VIDIO NỌ MWẸ UHUNMWUTA NỌ KHARE WẸẸ GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—GHA MWẸ ALAGHODARO VBE ODẸ NE U YA KPORHU—GHA TA ẸMWẸ NỌ GHA MU EMWA EKHỌE, IYEKE ỌNI, A GHI ZẸ EWANNIẸN YE AVBE INỌTA NA:

• 

  Vbọzẹe ne Neeta na nọ e Jade wẹẹ: “U ye yee emwi ne ima wa mobọ ziro yan vbe ẹdẹ e Mọnde ra?”

• 

  De vbene Neeta ya ru iyobọ ne Jade ya rẹn vbene ilele ni rre Baibol ya rhie ẹre ma wẹẹ, e Jehova hoẹmwẹ ọnrẹn?

• 

  De vbene Neeta ya ru iyobọ ne Jade ya muẹn roro vbene ọ khian ya rhie ẹre ma wẹẹ ọ hoẹmwẹ Osanobua?