RHIEGBE YE IWINNA IKPORHU IYẸN NỌ MAAN | EMWI NỌ GHA YA RUẸ GHA SỌYẸNMWẸ IWINNA IKPORHU SAYỌ
Miẹn Iyobọ Ọghe Jehova Yi Lekpae Erhunmwu Ne A Na
E Jehova ẹre ọ ya ikpẹ ọghe ẹmwata zọọ vbe ekhọe ọmwa. (1 Kọr 3:6-9) Nọnaghiyerriọ, deghẹ ima hoo ne ima musọe vbe iwinna ikporhu ọghe ima, te ọ khẹke ne ima mu ẹtin yan e Jehova nọ ru iyobọ ne ima kevbe emwa ne ima gu ruẹ e Baibol.
Nọ e Jehova vbe erhunmwu nọ ru iyobọ ne ọmwa ne u gu ruẹ e Baibol ya sẹtin mudia gbain vbe ọ gha werriẹ aro daa ọlọghọmwa nọ rhirhi gha khin. (Fil 1:9, 10) U ghi sunu yọ taara emwi ne u gualọ vbe obọ e Jehova. Rinmwian e Jehova nọ ya orhiọn nọhuanrẹn ọghẹe dia iziro ruẹ kevbe emwi ne u ru hia. (Luk 11:13) Maa emwa ne u gu ruẹ e Baibol vbene a ya na erhunmwu hẹ, u ghi vbe rhie igiọdu ne iran, ne iran gha ru vberriọ. Gha gu emwa ne u ya e Baibol maa re emwi na erhunmwu, u ghi vbe gha mu ẹmwẹ iran ye erhunmwu; gha sunu ye eni iran vbe u ghaa na erhunmwu.
GHEE VIDIO NỌ MWẸ UHUNMWUTA NỌ KHARE WẸẸ, GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—MIẸN IYOBỌ ỌGHE JEHOVA YI—ERHUNMWU, IYEKE ỌNI, A GHI ZẸ EWANNIẸN YE AVBE INỌTA NA:
De isievẹn ne Neeta werriẹ aro daa vbe ọ gu e Jade ruẹ emwi?
De vbene ebe 1 Kọrinti 3:6 ya ru iyobọ ne Neeta?
De emwi nọ ghi ru iyobọ ne Neeta ya la isievẹn nii gberra?