Gha Ya Obọ Mu Ikhuo Ni Wan Sẹ Ruẹ, Zẹvbe Iye Kevbe Ikhuo Ne U Wan Sẹ Zẹvbe Etẹn Nikhuo

E Baibol gi ima rẹn wẹẹ, te ọ khẹke ne ima gha ya obọ na ya mu erha vbe iye mu etẹn ni khian eniwanrẹn nẹ vbe uwu iko, ma ghi vbe gha ya obọ na ya mu etẹn vbe uwu ẹgbẹe mu avbe igbama vbe uwu iko. (Tie 1 Timoti 5:1, 2.) Te ọ wa khẹke ne etẹn nikpia gha ya aro nọ ghaan ghee etẹn nikhuo ni rre uwu iko, iran ghi vbe gha rhie ọghọ ne iran.

Ọ ma zẹdẹ khẹke ne ọtẹn nokpia gha gu ọtẹn nokhuo gbe ọkiẹkiẹ nọ ma khianrẹn ra nọ ru emwikemwi nẹi khian ya orhiọn ọtẹn nokhuo nii sotọ vbe ọ ghaa rre eke nọ ye. (Job 31:1) Ọ ma khẹke ne ọtẹn nokpia nọ re okhiọnkpa sikẹ ọtẹn nokhuo nọ vbe re okhiọnkpa, sẹrriọ wẹẹ ọtẹn nokhuo nii ghi do gha roro ẹre wẹẹ, ẹmwẹ ọnrẹn yẹẹ ọtẹn nokpia nii vbene emwi vberriọ i na zẹdẹ rre ọtẹn nokpia nii ekhọe.

Etẹn nikhuo gha ya ọghọ vbe ute nọ ọta ra deghẹ iran na mu iro eso rre, te ọ khẹke ne ediọn rhie ehọ ne iran ta yi. Te ọ wa mobọ khẹke ne ediọn gha mwẹ amuroro daa etẹn nikhuo nẹi mwẹ ọdọ nọ khian gha gbogba ga iran.—Rut 2:8, 9.

GHEE VIDIO NỌ MWẸ UHUNMWUTA NỌ KHARE WẸẸ YE GHA MWẸ AHOẸMWỌMWA VBUWE IKO ỌGHE JEHOVA—GHA MWẸ AHOẸMWỌMWA DAA IKHUO NI DẸGBẸE KEVBE EMỌ NẸI MWẸ ERHA, IYEKE ỌNI, A GHI ZẸ EWANNIẸN YE AVBE INỌTA NA:

• 

  De vbene etẹn ni rre uwu iko ya rhie ẹre ma wẹẹ iran hoẹmwẹ Ọtẹn Nokhuo Myint ẹsẹsẹmwẹse?

• 

  De vbene ahoẹmwọmwa ne etẹn ni rre uwu iko rhie ma ya gha re osẹe ne emwa ni rre igue nii?

• 

  De vbene ahoẹmwọmwa ne etẹn ni rre uwu iko rhie ma ya ru iyobọ ne emọ ikhuo ọghe Ọtẹn Nokhuo Myint?

De odẹ eso ne u gha ya sẹtin rhie ẹre ma wẹẹ u gele mwẹ amuroro daa etẹn nikhuo ni rre iko ne u ye?