Ru Iyobọ Ne Emwa Ne U Ya E Baibol Maa Re Emwi Ne Iran Ghẹ Gha Gu Emwa Dan Muobọ

Te ọmwa ne u gu ruẹ e Baibol gha ru afiwerriẹ eso vbe nọ dekaẹn aro emwa nọ gu muobọ, nọ mieke na sẹtin gha re ọsie Jehova. (Psm 15:1, 4) Deghẹ iran na gha gu emwa ni hoẹmwẹ e Jehova muobọ, ọ gha ru iyobọ ne iran ya gha ru emwi esi.—Itan 13:20; lff iruẹmwi 48.

Gha mwẹ amuroro daa emwa ne u gu ruẹ e Baibol, vbe u ghaa ru iyobọ ne iran ya gban egbe ne avbe ọse dan. Ọ sẹtin gha lọghọ ne iran sẹtin sẹ avbe ọse ne iran ka mwẹ rae. Gha rhie ẹre ma vbe ẹghẹ hia wẹẹ, u mwẹ ẹmwẹ iran vbe orhiọn. U sẹtin ya efoni gie uhunmwu gie iran, u sẹtin tie iran vbe efoni, u sẹtin vbe ya nọ ẹmwẹ iran vbe owa. Zẹ vbene iran ya mwẹ alaghodaro, u sẹtin tie iran ba egbe, vbe u gha khian ya egbe rhorho etẹn. Ẹghẹ nii, iran ghi do bẹghe ẹre wẹẹ, afiangbe nọkhua ẹre a lae miẹn vbe a ghaa gu eguọmwadia e Jehova muobọ. (Mak 10:29, 30) Uwẹ tobọ uwẹ ghi vbe gha sọyẹnmwẹ vbe u gha bẹghe ẹre wẹẹ, emwa nibun deba otu e Jehova.

GHEE VIDIO NỌ MWẸ UHUNMWUTA NỌ KHARE WẸẸ, RU IYOBỌ NE EMWA NE U YA E BAIBOL MAA RE EMWI NE IRAN GHẸ GHA GU EMWA DAN MUOBỌ, IYEKE ỌNI, A GHI ZẸ EWANNIẸN YE AVBE INỌTA NA:

• De aro emwa nọ khẹke ne ima gban egbe na?—1 Kọr 15:33

• De vbene Jade te wẹẹ Ivbiotu e Kristi ya sọyẹnmwẹ egbe?

• De vbene Neeta ya ru iyobọ ne Jade hẹ, nọ mieke na sẹtin do gha mwẹ avbe ọse ni maan?