Mu Ẹtin Yan E Jehova Vbe Ẹmwẹ Igho Ghaa Lọghọ

Ọlọghọmwa bun ne ima werriẹ aro daa vbe ẹghẹ okiekie ẹdẹ ne ima ye na. Zẹvbe ne ufomwẹ agbọn na ya sikẹ otọ, te ọlọghọmwa ne ima werriẹ aro daa khian gha bun yọ bun yọ. Ẹghẹ eso a gha rrọọ, ne ima i khian ya gha mwẹ emwi eso ne ima gualọ. (Hab 3:16-18) De emwi nọ khian ru iyobọ ne ima deghẹ ima i miẹn igho loo somwa? Ọ khẹke ne ima mu ẹtin yan e Jehova. Ọ yan rẹn nẹ wẹẹ irẹn gha gbaroghe eguọmwadia re hia. E Jehova gha ye sẹtin gha kpemehe ne ima, ẹi mwẹ vbene emwi khian lọghọ sẹ hẹ.​—Psm 37:18, 19; Hib 13:5, 6.

Emwi ne u gha sẹtin ru:

• Nọ iyobọ vbe obọ e Jehova, u ghi vbe rinmwiaẹn nọ rhie ẹwaẹn nuẹn.​—Psm 62:8

• U ghi mu egbe ne u khian ya ru iwinna ne u ma he ka ru ẹdẹ.​—g-E 1/10 8-9, avbe ẹkpẹti

• Ye gha ru avbe emwi ni gha ya ruẹ sikẹ e Jehova, ọni nọ wẹẹ, u ghi gha tie Baibol vbe ẹdẹgbegbe, u ghi gha yo iko, u ghi vbe gha ladian vbe ikporhu

GHEE VIDIO NỌ MWẸ UHUNMWUTA NỌ KHARE WẸẸ, BỌ OWA NỌ GHA TỌ NUẸ​—“GIE EMWI NE U MWẸ GHA SUẸ ỌKẸN,” IYEKE ỌNI, A GHI ZẸ EWANNIẸN YE AVBE INỌTA NA:

• De avbe ọlọghọmwa ne ẹgbẹe eso he werriẹ aro daa?

• De emwi nọ ru ekpataki sẹ vbe arrọọ ọghe ima?

• De vbene ima khian ya ru iyobọ ne emwa ne obọ ma sẹ ọre hẹ?